陳妍希呢身衣着配搭，絕對可以用「冏」嚟形容，唔單止冇青春味道，粗壯大腿、腰間三層波浪式肥肉仲一覽無遺。認真攞你命三千。
出外埠
陳妍希冏冏 Style
台灣有「女神」稱號嘅陳妍希，無可否認，講靚唔算靚得好交關嗰隻，不過笑起嚟，嗰對小酒窩又的確幾甜嘅！之但係佢嘅衣着同配搭呢，就被指為「時尚絕緣體」。
講真，呢個朵，陳妍希絕對當之無愧。話說早前，一個潮流雜誌舉辦周年「扒地」，陳妍希應邀出席活動。當日「女神」打破以往斯文形象，以超大夾位運動款背心、超短熱褲亮相。本來好 sharp醒先係，可惜熱褲令佢粗壯大腿無所遁形，背心嘅超大夾位俾人睇晒腰部嗰三層肥肉。呢啲都算嘞，最攞命係佢竟然腳踏羅馬款式高踭鞋，完全不倫不類。唉，時尚絕緣體已經去到萬劫不復之地咯！
早前，陳以 Calvin Klein套裝出席活動，被狠批似阿嬸， 20幾歲着到似 50幾歲人。 
有人更抵死話地球上已沒有衫適合陳妍希，唯一着得最好嘅，只有《那些年，我們一起追的女孩》嗰套校服喎。
全站熱搜
留言列表
