探熱針
容祖兒用盡 32A
近年被指走勢有「回塘」迹象的容祖兒，為省靚天后金漆招牌，一早鎖定今個聖誕跨年紅館檔期開騷，瞓身豁出去。
演唱會全長兩小時四十分鐘，有三分之二時間是強勁快歌，盡晒美國學舞成果，加埋三個月無飯落肚，瘦剩百零磅，歌衫性感底線亦再度調低，星形 bra top狂舞 32A搏盡，不遜當年 Sammi的羽毛 bra。
撐男友
瘦剩百磅多少少的容祖兒，開騷前三個月已經積極 keep，更拉埋男友劉浩龍齊齊食營養餐。不過，作為背後的男人，劉浩龍於首場未有現身主家席（ panel位），反而低調坐到山頂為女友打氣。「師兄有嚟！坐喺山頂位，佢話要坐勻紅館每個位置睇，由上面坐番落嚟。」一名工作人員說。
外傳劉浩龍要求攞錢注資日本餐廳，祖兒開腔代為澄清：「我哋財政獨立，係好簡單嘅戀愛，唔牽涉金錢。大家各自做唔同嘅嘢，互相支持。」
Bra top做足安全措施，點跳點郁都絕不走光。 
透視加皮 bra，好有 SM feel。 
今次舞蹈編排，唔算太多高難度動作，但勁度十足。
鬥少布
第七度紅館開騷，還要力證天后地位。之前到美國學舞的祖兒，與專程從美國遠道而來的 dancers勁歌熱舞，不單只帶動現場氣氛，祖兒更與舞蹈員鬥少布、鬥 see-through，尤其男 dancers的 T-back透股，加大力度滿足觀眾視、聽。
見歌迷反應好，又起身一齊跳，祖兒表現興奮說：「原來歌迷都識跳，佢哋企埋起身，我就好滿足！」
Joey挑戰高難度，在兩男 dancers雙腿間擘一字馬。 
男 dancer透視晒股伴舞。 
由 Wyman構思出來的大肚 look，雖然夠出位，但卻有點格格不入。
在後台現身的劉浩龍，與阿姐、 Wyman合照。 
老闆楊受成一邊搖熒光棒，一邊和唱 Joey的情歌《 16號愛人》。 
撰文、攝影：娛樂組
全站熱搜
留言列表
