擁有意大利血統的 Ariana,五官精緻身材玲瓏浮凸,加上把巨肺聲爆發力強,跳舞又勁,就算着 4吋高踭鞋都可以繼續趷籮,佩服。 

西區

捲入裸照風波  Ariana Grande霸氣升呢

最近荷里活誕生咗一位新女神,名叫 Ariana Grande,大家要記住佢。今年 21歲的 Ariana,最鍾意騷美腿扭籮的她,雖然同鄭融一樣只得 5呎高,卻擁有一把唱爆咪的巨肺聲。新歌〈 Problem〉橫掃英美兩地流行榜 no.1後,最近於偶像頒獎禮《 Teen Choice Award》中更打低天后 Taylor Swift,攞走「最受歡迎女歌手」寶座。
雖然 Ariana最近牽涉入荷里活女星裸照風波,但 Ariana人氣依然企硬,不跌反升。呢個愛美神,有排紅!

Ariana點入行?

自細鍾意唱歌的 Ariana, 8歲跟屋企人上郵輪度假時,於大班人面前唱 K,當時她選唱《鐵達尼號》主題曲〈 My Heart Will Go On〉,竟吸引在場的天后歌星 Gloria Estefan注意,之後 Gloria主動走去讚佢:「你比我更有天份做歌星。」因為咁, Ariana立下大志做歌星,憑住把靚聲, Ariana 15歲開始演舞台劇《 13》踏上百老匯舞台, 2年後經朋友推薦,更簽埋國際唱片公司環球做歌手,正式踏上天后之路。
Ariana唔只演舞台劇同唱歌,仲有演出美式處境劇《 Sam& Cat》。劇中, Ariana(右)飾演開朗少女 Cat,同 Jennette McCurdy(左)飾演的 Sam老友鬼鬼。

Ariana唱歌有咩特色?


唔好睇 Ariana身高只得 5呎嬌小玲瓏,但肺容量極大,走 hip hop同 R&B路線的 Ariana,聲線好似天后瑪利嘉兒一樣屬巨肺腔,強項係唱得到 4個 8度高音,音域超廣。唱歌叻外, Ariana跳舞亦超勁,鍾意着短裙騷美腿的她,最令人驚嘆係着住 4吋高踭鞋一樣可以又唱又跳都唔拗柴。

Ariana有幾紅?

今年 4月尾推出細碟〈 Problem〉,唔只霸佔英美流行榜冠軍,去到 8月尾美國 Billboard單曲榜中, Ariana竟有 3首歌,如〈 Break Free〉、〈 Bang Bang〉同〈 Problem〉同時出現 10大之內,追平 Adele曾以 3曲躋身 top 10的女歌手最高紀錄。講到最勁,一定係 8月頭舉行的《 Teen Choice Award》中, Ariana擊敗 Taylor Swift同 Katy Perry奪「最受歡迎女歌手」,絕對係天后殺手。


上月 10日舉行的《 Teen Choice Award》中, Ariana唔只打低 Taylor Swift捧走「最受歡迎女歌手」獎,大熱歌〈 Problem〉更成為女歌手部門的「最受歡迎歌曲」,攞獎打孖上。 

今年一首跳舞歌〈 Problem〉令 Ariana爆紅,此曲唔只成英美流行榜冠軍,由 4月底上載上 YouTube至今,點擊率超過 1億 7千萬次,走勢超勁。 

最近 Ariana亦有疑似裸照流出喎!有冇影響呀?

批疑似裸照唔單只冇影響 Ariana,更刺激她的新大碟《 My Everything》銷量,《 My Everything》一碟於上月 25日出街,除成為 Billboard大碟榜 no.1,更霸佔 78個國家 iTunes音樂榜冠軍,勁到冇朋友。
新大碟《 My Everything》於上月尾推出,雖然最近爆出有疑似裸照流出,但新碟冇受影響,依然企硬 Billboard大碟榜冠軍,而在香港亦成為 HMV「 Rock Pop Chart」 no.1。

「我個籮 cute啲!」

上週一( 1日),荷里活爆出女星裸照流出風波,超過 100名受害女星慘被人睇全相,而今年當紅的 Ariana Grande亦走唔甩,有疑似光豬相流出。不過,事件擴大震驚全球後, Ariana發言人即時澄清話批相係假相,而 Ariana本人更喺 twitter表明,自己個 pat pat比相中人更加可愛。啲相冇 Ariana個樣,佢梗係話乜都得啦!


疑似 Ariana裸照,全程見唔到個樣,所以冇人可以證實係堅定流,而 Ariana發言人就澄清裸照係假。網上圖片 

疑似裸照流出後, Ariana喺 twitter講笑話自己個八月十五 cute好多。網上圖片 

撰文:何家文

arrow
arrow
    全站熱搜

    tvb4life 發表在 痞客邦 留言(0) 人氣()