羅慧娟今年病情反覆，鮮有公開露面。今年 3月，她被拍得到跑馬地買花，由於化療起副作用，當時素顏的她，面部非常浮腫。《壹週刊》圖片
滾熱辣
住新加坡醫院附屬酒店 羅慧娟做「彌留牧關儀式」
45歲的羅慧娟，前年發現患上第三期胰臟癌。飽受癌魔煎熬，但性格樂觀的她一直靠意志力抗病。不過，上周再度傳出羅慧娟病危，更由老公劉志敏的安排下，飛赴新加坡接受治療，情況令人擔心。
本刊記者遠赴新加坡採訪，獲悉羅慧娟今次在當地五星級「伊莉莎伯」醫院醫病，更下榻附屬酒店休養。
可惜藥石無靈，羅慧娟如今就靠宗教信仰積極面對這段艱苦的歲月。今年四月底，有人曾目睹羅慧娟在新加坡的教堂接受「彌留牧關儀式」，藉此求神引領安度餘生。
羅慧娟自患上胰臟癌後，病情反覆不定，經過長期化療後，去年癌細胞曾受控制，當時她更經常精神奕奕現身教會活動，生命再現曙光。可惜癌魔再度纏擾羅慧娟，今年四月，其病情突然急轉直下，長期嘔吐，身體軟弱乏力，令家人十分擔心。「當時娟妹個細仔劉鎮榮結婚，大家諗住可以沖喜下，點知最後都徒勞無功。」羅慧娟強撐出席婚禮後不久，就由家人陪同下到新加坡。
羅慧娟上周病情惡化，更曾傳出死訊，於是她就以 Whatsapp回覆傳媒朋友，稱「我尚在呀！」
今年 4月，羅慧娟化行妝出席兒子婚禮，其間更滿場飛招呼賓客。不過當時她不時需要老公劉志敏在旁扶實，情況已有告急徵兆。《蘋果日報》圖片
向十字架跪拜
據知羅慧娟當時到過新加坡「聖安德烈座堂」，由牧師帶領下接受「彌留牧關儀式」，有教徒爆：「當日羅慧娟由幾個親人扶住入教堂，佢身體明顯好虛弱，行路好慢。之後由駐堂牧師帶佢哋入一間祈禱室做『彌留牧關儀式』。羅慧娟好辛苦咁跪咗喺墊上面，面向十字架祈禱。而佢啲親友就雙手合十企喺旁邊，同牧師一齊唱詩歌、唸經文。」
基督教會為病危的教徒舉行這個儀式，希望病人藉此建立面對死亡正確觀念，以及令親屬有較好的心理質素去面對病患者的離世。
周三（ 27日），記者問過該教堂的負責人林牧師，他承認曾有一名叫 Jacqueline（羅慧娟之洋名）的教徒接受此項儀式，他說：「好多教徒都會做呢樣嘢，四月尾的確係有個 Jacqueline嚟過，仲有幾個屋企人陪住佢嚟。」
羅慧娟身邊好友紛紛拒絕透露其病情，不過其教友兼好姊妹鄧萃雯，上周就被拍得趕赴新加坡探病。而記者亦有致電問過賈思樂，他說：「娟妹冇事呀！冇乜特別，大家唔使擔心。」
《蘋果日報》圖片
《蘋果日報》圖片
下榻酒店養病
據知被癌魔折磨了兩年的羅慧娟，不想再有化療和服藥後的生理反應，現已全面停止接受治療。上周有指她病情惡化，要飛赴新加坡求醫，實情她只是希望在較安寧的環境下，與家人共度餘生。知情人士說：「娟妹性格樂天，一直好有信心可以擊退個病，不過佢接受完『彌留牧關儀式』後，覺得冥冥中有主宰，所以佢選擇一條冇咁辛苦嘅路行落去。」
羅慧娟上周到達新加坡後，立即入住醫院毗鄰的「伊莉莎伯酒店」，「佢唔想住醫院，所以住喺酒店，每一星期去一次做詳盡檢查。」知情人士說。
牧師爆： Jacqueline有嚟過
林牧師向記者提到儀式流程時，不禁雙手合十示範。
羅慧娟四月曾現身新加坡的「聖安德烈座堂」接受「彌留牧關儀式」。當時羅慧娟丈夫劉志敏和他兩名兒子劉鎮洪、劉鎮榮及她胞姊羅慧蘭亦在場。教堂的林牧師周三（ 27日）向記者說：「其實基督教對生死唔係咁忌諱，死亡只係歸向耶穌嘅懷抱。我記得四月幫一個叫 Jacqueline（羅慧娟之洋名）嘅女士做『彌留牧關』，仲有幾個屋企人陪住佢嚟。」
參與儀式名單
劉志敏
劉鎮洪
劉鎮榮
羅慧蘭
聖安德烈座堂 1835年已興建完成，是新加坡最大的教堂，位於市中心，地點方便。
當日娟妹在這間祈禱室內進行儀式，她跪在藍色座墊上祈禱，牧師站在旁邊帶領，而娟妹的家人則站在圍欄外。
腫瘤顧問：胰臟癌好難醫
羅慧娟 99年發生潛水意外後，曾於新加坡伊莉莎伯醫院接受手術，因此她今次亦搵來該院的癌症專家打救。周一（ 25日）記者訪問過該院的腫瘤科顧問林豐良醫生，他說：「胰臟癌冇乜特別病徵，所以發現嗰陣已經係第三期。呢個病好難醫，死亡率好高，即使做咗手術，只得兩成人完全康復。接受治療同放棄治療嘅後果係一樣。我記得有個病人叫 Jacqueline，但唔想講太多。」
伊莉莎伯醫院位於新加坡烏節路中心，面積龐大，設有一座癌症中心（左圖），中心內有多間化療室。
住最豪套房
為方便日常診斷，羅慧娟就選擇住在醫院旁邊的同名附屬酒店，而她入住的總統套房（圖），單是一晚房價便近四萬港元，非常誇張。
醫療費一日五萬
住房費 四萬
診金 五千
看護費 三千
藥費 二千
合共五萬
一名護士就表示曾見過羅慧娟現身癌症中心，她說：「係呀，佢老公陪佢入嚟，不過住咗一排就出院喇！」
老公業務多
羅慧娟老公劉志敏今年 61歲，是新加坡有名富商，在新加坡亦開設不少公司，現為百德能控股有限公司董事總經理，身家超過三億。
記者到過百德能控股位於新加坡分公司，職員說：「劉生四月之後就冇再返過嚟公司。」
劉志敏亦是手機網絡商 Starhub的非執行董事，當地辦公室設計富現代感。
留言列表
