𤠣擒Fiona見街上冇乜人,於是越玩越激,主動去嘴湯駿業,上演一場舌戰風雲。 
自爆○八年因為受到情傷,患上抑鬱症的薛凱琪(Fiona),當時的情況嚴重到手自殘,甚至紅酒溝安眠藥自殺。 
命大死唔去!即使Fiona對外聲稱抑鬱症已痊癒,但過去兩年,始終無勇氣正式拍拖,重新開始一段感情。步入三十歲,dry爆的Fiona,好心急要搵個男人。 
上週四(五月三日)晚,Fiona出動夜蒲,兩杯酒落肚,性情大變,平日見慣見熟的乖乖女,忽然變得狂野主動,與貌似房祖名男伴湯駿業大街大巷「打茄輪」,又拖又攬。 
至於傷透Fiona的前度房祖名,更加風流快活,最近換畫轉食日菜,與34B㗎妹久保杏奈搞埋。

 

變豪放女
Lady GaGa開騷,明星名人爭相朝聖,過氣情侶房祖名與薛凱琪也是其中之一,但二人未有同日捧場。房祖名與㗎妹女友久保杏奈睇頭場,薛凱琪同黃偉文、梁祖堯等人睇第二場。完騷後,Fiona未有與同場出現的好姊妹鄭融一齊走,反而與梁祖堯等人轉場,乘保母車到上環蘇杭街一間地鋪酒吧繼續。不過,Fiona卻表現得心不在焉,又不時走到酒吧外面傾電話,還聽到她催促對方盡快到。二十分鐘後,一名黑衫黑褲、頭戴黑帽的男子抵達酒吧,遠睇,與房祖名差不多,同樣是單眼皮大鼻,望真原來這個「假祖名」,是○八年與Fiona合作舞台劇《Last Smile, First Tear》的舞台劇演員湯駿業。想見的人出現後,Fiona即時成個醒晒,齊齊返入酒吧劈酒。其間,無論湯駿業走出外面講電話或吸煙,Fiona都好似自動黏貼一樣,跟埋出去。飲了酒的Fiona更變身做豪放女,主動伸手摸湯駿業,見對方顧住講電話冇乜反應,索性伸手去搞對方屁股,今次對方有反應了,還反攻伸手拖住。見街上冇乜人,Fiona更加主動,嘟起個嘴一口啜實湯駿華,當街舌戰,Fiona更一邊啜,一邊用手愛撫對方胸膛,好投入。

愈玩愈激
打完茄輪,嘴角含春的Fiona繑住湯駿業手行,其間有兩名男fans要求與Fiona合照,湯駿業即刻識做鬆開手,先行返入酒吧。過了一陣,黃偉文殺到,一班人走到酒吧門外,一邊傾偈一邊食煙。唔理有人睇住,Fiona對湯駿華步步進逼四圍摸,對方亦唔蝕底攬實,忘我到完全當其他人不存在,攬腰箍頸樣樣做齊,態度十足熱戀情侶。 Hea至凌晨二時,Fiona用保母車送晒全部朋友返屋企後,最後只剩得她與湯駿業,一齊返回寓所方向。

一早發覺
自稱曾有抑鬱症的Fiona,當年因為與拍拖斷斷續續四年的男友房祖名分手,被傷透的她覺得被辜負,一時想唔通,試過紅酒溝安眠藥自殺,要喊住搵方大同,叫對方制止她。 
當其時,Fiona與湯駿業、梁祖堯等人合作舞台劇,排練的階段,湯駿業早已留意到Fiona有唔妥,所以經常陪住開解她,二人亦開始深交。 
「阿Fi有提過Ah Dee(湯駿業),話佢做舞台劇好勁好有腦,對佢又好好,嗰陣知佢唔開心,會成日氹佢陪住佢;但嗰陣時阿Fi乜都唔理,乜都聽唔入耳。不過佢哋做完舞台劇都仲keep住聯絡,成日都有約出街,估唔到佢哋發展到呢個地步。」Fiona身邊人說。

㗎妹大戰祖名
至於搞到Fiona有抑鬱症的罪魁禍首房祖名,分手不痕不痛。加上秉承老豆成龍遺傳特質,換女同換衫無分別,唔同國籍唔同款式,試齊!上星期三(二日)房祖名用專車接載model女友久保杏奈睇Lady GaGa演唱會,之後一同返回九龍塘大宅,短敍一個半鐘,再出動過海,到蘭桂坊Dragon-i同Volar玩多三粒鐘。

雙線發展
身兼歌手及舞台劇演員的湯駿業(Ah Dee),曾在香港演藝學院修讀表演學士。03年,與好友梁祖堯、邵美君組成「風車草劇團」製作舞台劇,曾參與演出及製作超過六十個音樂劇及舞台劇,如《穿紅靴的貓》、《一期一會》等。 07年,Ah Dee開始參與音樂創作,與薛凱琪合唱《給十年後的我》。08年,在Wyman的音樂劇《白雪先生灰先生》中開始為人熟悉。09年,在唱片監製李端嫻鼓勵下正式加入樂壇,並推出首張專輯《All In The Timing》及一連三場個人音樂會。去年,他共舉行了十四場個人音樂劇《築地哈林》及推出第二張唱片《Home》。入行後,Ah Dee曾與多位歌手合作,又有份在陳奕迅《Crying In The Party》MV中演出,與王菀之合唱歌曲《開籠雀》、《柯迪夫夢幻曲》及合演《I Love You Because》舞台劇。

多元化口味
讀國際學校,但以清純玉女形象入行的薛凱琪,其實是個open鬼妹仔,多次被拍得夜蒲攬仔,緋聞男友一籮,港台兩地均有代表,更包括外籍黑人,相當國際化。

房祖名
05年合作電影《早熟》,房祖名追了近一年才成事,06年,薛凱琪生日前,被踢爆到日本展開六日五夜偷情之旅,戀情正式曝光。有指Fiona的唱片公司棒打鴛鴦,祖名又經常背住女友偷食,二人經常吵大鑊,分分合合,09年Fiona向男友提出分手。

方大同
07年情人節前夕,Fiona被拍得與方大同齊齊shopping交換情人節禮物,即有指方大同介入Fiona與房祖名,但二人即使經常出雙入對及多次在工作方面合作,但一直否認戀情。

郭品超
05年與台灣型男郭品超合演電影《摯愛》,有指Fiona開工時主動獻殷勤,又替對方翻譯,又邀請對方收工後晚飯,郭品超的正印女友Amy收到風,專程飛來香港實。10年,二人再被拍得拍拖睇戲,更在的士內狼吻。

黑人Reggie Martin
10年,Fiona搭上任職澳門威尼斯人酒店高層,六呎黑人Reggie Martin,二人孖住到圓方睇戲再返酒店,更有指二人在威尼斯酒店包長房密會。

好易中
藝人拍戲、拍劇,甚至舞台劇,相處時間長,好容易同對手日久生情,不少名氣情侶,都因此中招,擦出愛火。

鄭伊健、梁詠琪
99年,鄭伊健與梁詠琪合作演出許冠傑的音樂劇《仲夏夜狂想曲》撻着,二人嘴足二十場,GiGi被指介入鄭伊健與邵美琪的戀情,惹來「奪麵雙琪」風波,二人拍拖六年,05年分手。

黎明、舒淇
一直對舒淇有好感的黎明,98年合作拍攝《玻璃之城》終於搞掂,舒淇被拍得夜訪黎明寓所,秘密同遊日本,二人拍拖七年,05年黎明搭上樂基兒後分手。

鄭嘉穎、佘詩曼、周麗淇
花心男鄭嘉穎03年與周麗淇在劇集《翡翠戀曲》撻着,地下情五年,07年拍《法證先鋒II》又背住女友追佘詩曼,被周麗淇踢爆後,二人吵大鑊,之後他更為阿佘正式跟Niki分手。 ####

 


薛凱琪與好姊妹鄭融一齊睇Lady GaGa,但完場後去蒲冇預鄭融份。


3/5 
到達上環,初期Fiona經常行出酒吧門外傾電話兼等人。


逗籮男方顧住講電話,Fiona於是出手逗對方籮柚,搞到他有即時反應,望後面睇吓有冇俾人見到。


安撫 Fiona等到面燶燶,湯駿業於是拖住Fiona隻手,安撫一番。


繞手 Fiona的新歡湯駿業與舊愛房祖名有幾成相似,兩人同樣單眼皮兼大鼻。


中途有fans要求合照,湯駿業識做放開Fiona,獨個返回酒吧內。


坐出酒吧外,兩人繼續纏綿,男方一邊摸Fiona面珠,女方就搓男方膊頭。


摸面搓膊


○八年Fiona與湯駿業合演舞台劇時認識。(《蘋果日報》圖片)


全晚兩人猶如連體嬰黐埋一齊,攬到實一實。


2/5 
睇完騷祖名與打扮性感透bra女友去蒲,去到Dragon-i飲到腳步浮浮,再轉場去Volar玩多半個鐘,玩到凌晨三點半先返歸。


久保杏奈乘坐房祖名坐駕「JC2」去到亞洲博覽館會場。


來港做model的久保杏奈,過往都拍過不少性感相,狂晒34B胸部。(《FACE》圖片)


喪笑遮醜 
週二,當記者向Fiona展示「舌戰」相片時,她反應甚大:「唔係嘛!」然後大笑遮醜,死撐係影相角度問題,絕冇「打茄輪」。問到同湯駿業是什麼關係時,她表示:「好好朋友囉,我媽咪同公司同事都識得佢。」


一一年,湯駿華與王菀之合演音樂劇《I Love You Because》,反應熱烈,去年再度重演。


(《FACE》圖片)


(《蘋果日報》圖片)

arrow
arrow

    tvblife 發表在 痞客邦 留言(0) 人氣()