來自明星家族 嘅湯洛雯，唱首歌就輕易攞到「旅遊大使獎項」，睇 嚟都係坐亞望冠。
同你吟一吟
造馬造出面 湯洛雯無得輸
星期日（七月八日），十六位港姐出發到番禺長龍酒店，爭奪「旅遊大使獎項」。大會安排佳麗分成四組，以短劇形式介紹中國名勝同美食，經淘汰後，由十位佳麗再以才藝表演爭獎。
所謂 嘅才藝，大多數都係唱歌跳舞玩樂器，比較有諗法 嘅得响英國站被踢出局 嘅陳華鑫，即場示範 响手機殼畫公仔，同埋表演花式跳繩嘅朱千雪。
擺明悶騷，但悶唔得過賽果，大熱門湯洛雯攞到「旅遊大使獎項」。當晚湯洛雯獻唱林憶蓮作品《至少還有你》，雖然唱得好過阿 Sa嘅《下一站天后》，但佢明明唔夠氣兼唱錯歌詞再加甩嘴，憑乜攞獎？當事人愈講愈遠：「我唔清楚評判點俾分，我都練 咗一個禮拜，原本我想表演豎琴，因為冇時間練，搬運又麻煩，所以冇帶過 嚟！」
至於同樣 响英國被淘汰 嘅鍾麗，表演揚琴本來最突出，可惜都要輸俾湯洛雯，問佢有冇信心復活？鍾麗坦言已經打定輸數。咁又係，要怪就怪你同男友半裸照曝光，不過重點應該係你阿叔唔係湯鎮業囉！
高中開始學揚琴 嘅鍾麗，其實表現唔錯，不過最後都要輸，仲話打定輸數，稍後舉行 嘅公投復活戰投票，應該冇希望。
有指因為生得靚， 响英國站被同組佳麗陰招踢出局 嘅陳華鑫，表演用指甲油畫手機殼唔算高難度，但話晒有班高登 fans撐住，公投復活戰分分鐘有機過關。
其實黃心穎表演 嘅民族舞效果唔差，不過被安排與湯洛雯一隊進行才藝 PK戰，輸，係應該 嘅！
全站熱搜
留言列表
