上月尾，姜大 衞陪李琳琳抽空到正在演藝學院表演的孫仔食 lunch。
探熱針
曹永廉買 550萬村屋 俾李琳琳養病
唔食生果
姜大 衞舉家回流香港多年，去年初，李琳琳發現患上大腸癌，姜大 衞為老婆四處奔走遍尋名醫治療，由於病情不輕，李琳琳成功做完大腸手術後，還要接受為期半年的化療。
「雖然老夫老妻，但係佢哋出街仲會拖住手行好恩愛，琳琳姐做化療期間好辛苦，阿 John周圍請教朋友，搵盡辦法包括食療，希望減輕化療痛苦。」琳琳姐友人說。
去年十月完成所有療程後，李琳琳大部分時間留家休養，姜大 衞負責監督照顧老婆的飲食。
「以前琳琳姐唔鍾意食生果，又成日飲可樂，有咗呢個病，飲食方面要好小心，阿 John唔俾佢再亂食嘢，食得清淡之外，又提住佢每日都要食兩份生果。」
今年五月，曹永廉同老婆買入大埔兩層村屋連天台，合共二千呎的新居給李琳琳養病。
睇三次屋
病情得以控制，但惡疾是長期抗爭，不能輕心。今年五月，琳琳姐長女姜依蘭與女婿曹永廉，一擲五百五十五萬，購入位於大埔偏僻位置的二、三樓連天台村屋單位，給她
養病。
「依蘭同阿廉好孝順，佢哋睇過好多地方，大埔間新屋背山面海，空氣特別好，好多退休老人家喺度住，加上地點較隱蔽，方便休養。」
李琳琳患病，姜依蘭希望與媽咪同住方便照顧，體貼老婆的曹永廉，亦不介意返電視城路程遠，由西貢搬往大埔。
「阿廉同老婆去大埔睇過三次屋，主力搵兩層複式單位，之後揀到呢間覺得好適合，琳琳姐再同阿 John去睇一次，佢兩個都滿意，阿廉就扑槌買。間屋外面有成排屋遮住，私隱度高，唔易俾人發現，方便琳琳姐休養。」知情者說。
單位內設樓梯，方便上落。
村屋間隔實用，客廳相對比一般市區樓寬敞。
做慣大俠的 John哥，對病妻卻千依百順。
一家四口，三代同堂到大家樂開餐，李琳琳親自排隊落 order。
改大睡房
村屋仍在裝修，兩層加天台，面積有二千多呎，十分實用，二樓一層原積有三間房加一個大廳，三樓的睡房則刻意放大，曹永廉一家與外父外母同住，地方一樣夠用。
「其實琳琳姐最開心都係見到一對寶貝孫，每次見到兩個細路，佢就連自己有病都唔記得！可以一家人同住，對琳琳姐康復有好大幫助。」知情者說。
姜依蘭的一對仔女，成為病後李琳琳的最大精神支柱，當日孫仔表演完畢，李琳琳拖實離開，笑容滿面。
病況漸趨穩定的李琳琳，明顯比以前清減不少。
去年鄧光榮不幸離世，已經患病的李琳琳仍體貼約鄧光榮太太下午茶，安慰好友。
曹永廉同姜依蘭非常孝順，除了買屋給李琳琳養病，還不時鼓勵她積極面對病患。
年過 60的姜大 衞（左一），為搵錢醫李琳琳，早前以四倍人工過檔城市電訊效力王維基（右二）。
二號殺手
腸癌是癌症中的第二號殺手，近年本港的發病率不斷上升，多少同香港人的飲食習慣有關。根據腫瘤科醫生岑信棠表示，多食肉，少食菜同埋運動量少，都會較易令腸功能出現問題。
「大腸癌一般嘅病徵係大便有血，大便時有屙唔清嘅感覺，或者係便秘、肚瀉等。初期嘅病人，醫生會建議做切除手術，但如果已經影響到淋巴就要做化療，或者腫瘤喺直腸位置，就可能要做放射治療。做完化療之後，復發機會一般都唔太大，但最好定期做檢查，每一至兩年照一次內窺鏡，病人最緊要注意改善飲食同生活習慣。」
KO狐狸精
留言列表
