我話晒失緊戀，俾啲面好喎！（設計對白）
我肯同你唱已經俾足面！（設計對白）
蕭公子將貨就價只肯唱八首歌，搞到何韻詩要唱多六首歌，撐起三分二個演唱會。
國台扮
100萬唱 8首歌 蕭敬騰自封台灣 Eason
上個禮拜飛 嚟香港同失戀何韻詩孖住開騷 嘅蕭敬騰，聽講由磋商合作，直到正式開騷，蕭公子開出 嘅 4條辣招：不減價、不宣傳、不總彩排、不唱拍檔何韻詩的歌，激到製作單位同演唱會監製幾乎爆血管。
靠歌唱比賽《超級星光大道》一夜成名，蕭敬騰今年更加憑電影《殺手歐陽盆栽》攞到香港電影金像獎最佳新演員。唱又得，演又得，世界巡迴騷 啲飛又賣得，蕭公子幻想自己同陳奕迅 level睇齊，去強國登台企硬 65萬人仔唱 3支歌，今次算好俾面香港，收 100萬港紙一場唱 8首，但我想話， Eason強國價 3首歌 150萬人仔起跳，蕭公子，你未有耐喎！
唔做宣傳、唔肯彩排，早前只有何韻詩單拖到 band房練歌。
現場九千座位，以蕭公子嘅 fans最多，收花都收到手軟。
樣樣企硬
一齊開騷，但只係彩排過一次，眼神一致又攬又笑，其實只係交戲。
一連兩場《何韻詩 x蕭敬騰異人世界演唱會 2012》，上個禮拜五、六（ 7月 6及 7日） 响灣仔會展舉行。
原本主辦商想開騷前安排兩位主角開記者會谷飛，但蕭敬騰 say no，之後同監製傾演唱會內容，蕭公子更加意見多多。
聽講原本想安排兩個互唱對方作品搞氣氛，但蕭公子以唔熟對方 嘅金曲為由，企硬，唔唱，都算，演唱會以 Rock為主題，揀歌當然唔可以離題，但蕭公子為宣傳新推出 嘅 Jazz大碟，係都要唱碟裡面 嘅歌。
收少 啲唱少 啲
要求天天都多，蕭敬騰更以大中華歌手自居，開價 100萬一場，覺得自己收平 咗，相對地連歌都唱少 咗，成晚唱得 8首，搞到失戀詩要唱足 14首拖延時間，歌酬仲要平一截，收得 60萬一場。
乜都就晒蕭敬騰，佢更加唔肯現身演出當日下午嘅總彩排，搞到臨完騷同何韻詩合唱《海闊天空》，先發現蕭公子 嘅廣東話歌詞有六成唔 啱發音，兩個同台 jam歌亦毫無默契。
盲都睇得出有人「是但唱」，蕭公子承認只係彩排過一次：「我有信心，一次（彩排）就夠，（你唱《海闊天空》發音退步了！）沒有呀！我練了一個月！」唔出奇，謝金燕都話自己唱《嗶！嗶！嗶！》廣東話字正腔圓 㗎！即係《 Amazing Grace》定係《阿 May升 grade》，你話邊個先係錯！
攞咗金像獎最佳新演員，加上唱片、演唱會大賣，蕭公子自覺同 Eason嘅地位看齊。（《蘋果日報》圖片）
留言列表
