再為人父的李霖恩，上週四在產房內抱住剛出生的龍仔 Christian，感動又興奮。
名人私生活
李霖恩生 8磅 B 李少光退休湊孫
三十一歲的的李霖恩，近期在三線劇連環曝光，雖然都只是做配角，好彩台型搭夠。人氣升事業旺，上星期他再為人父，太太誕下八磅龍仔，與長女剛好湊成一個「好」字。
而他剛退休的父親、前保安局局長李少光，以前負責睇實香港 嘅治安，最新任務就要親自落場護孫返學，「阿爸呢幾日要幫手湊住個大女。」
臨盆勁擦
已有一女的李霖恩（ Glen），上週四向公司請一天假，陪任職護士的太太方燕凌到沙田仁安醫院分娩。太太朝早八時剖腹生仔，帶點疲倦的 Glen，下午才有空到附近的茶餐廳飲杯咖啡提神，喜獲麟兒的他說：「係仔，八磅二，我都估唔到咁大隻，英文名諗住叫 Christian，不過爺爺想叫 Gabriel，（中文名是否由爺爺改？）未必啦，我會請教一位老師改，佢係一位好有文學修養的老師，教我媽媽畫國畫，我大女李清宜都係佢改。」徹夜未眠的他雙眼布滿紅筋，「今朝五點就要來到醫院。」
兩公婆還在入院前一晚衝刺擦餐勁， Glen說：「太太今次佗第二胎比之前辛苦，有段時間食乜嘔乜，好多 嘢都唔食得，噚晚拍完《愛•回家》收得早，同老婆約埋李家聲去食餐勁，老婆連生蠔都照食，因為愛吃，太太今胎重了三十磅。」連 Glen自己也增磅不少，入院時太太的血糖指數差點超標。
已有一次入產房經驗的 Glen，坦言臨入手術室時仍有點緊張：「感覺有點驚，本來我太太有諗過順產，不過第一胎開刀，如果第二胎順產時，有問題先改開刀會有機會焗親 BB，所以唔敢搏。」
問 Glen他的父親李少光有沒有說 BB似誰？「佢冇講喎。」
忙了整晚，翌日下午太太入睡後，他才有空出外買報紙、飲杯茶。
爺爺湊孫
本週日李霖恩接了太太和囝囝回家，一家四口來張大合照。
再做爺爺的前保安局局長李少光，上月尾正式退休，隨即飛往昆明旅行數天，上週三晚趕及回來抱孫。榮休後，他的首項特別任務就是湊孫女返學， Glen說：「呢幾日爺爺要幫手湊住大女，今朝一早佢自己揸車送孫女返學，好彩個女肯跟阿爺。」
由於大女好黐身，當知道媽媽佗住細佬已懂得呷醋，「佢知道有細佬識得呷醋，之前我買 咗份禮物代細佬送俾家姐，佢先覺得細佬都好錫佢。」今年兩歲八個月的大女清宜，已有四十磅重，愛吃的肥妹仔，甚得爺爺嫲嫲疼錫，「個女好老積，有次對住我 哋講，你 哋唔好縱壞我啦，笑死爺爺。」
好腳頭
這個 BB認真好腳頭，爸爸的事業都似被帶旺，皆因 Glen入行十一年，由兒童節目做起，一直只做閒角，雖然《心戰》收視一般，但他自薦演出的調酒師角色卻相當突出，令他備受關注，「以前工作唔多，得閒就進修吓，考 咗個香港專業調酒師證書，見有個咁嘅角色就去問監製戚其義，估唔到個角色咁有 noise。」
近兩個多月，打開電視機，黃金時段的三線劇他都有份演出，剛跟無 綫續約三年的他滿意地說：「好開心，有人工加，仲加得唔錯添。」
最近無綫八點至十點半的三線劇集， Glen都有份演出。
《心戰》
《愛•回家》
《衝呀！瘦薪兵團》
太太方燕凌在生仔前一晚擦餐勁。
留言列表
