眼利到實
媽咪姐企定都不過幾秒鐘， Gigi即時發現到，反而佢身邊助手同店員都唔知發生咩事。
媽咪姐
梁詠琪千里眼
藝人出街，時刻都會打醒十二分精神，梁詠琪係當中嘅人辦。
早輪媽咪姐喺 ifc撞見梁詠琪（ Gigi）。依家做咗人妻嘅佢，當日孖埋助手去 shopping，心情似乎幾靚。佢先睇咗半個鐘衫，再轉場入咗一間專賣法國芭蕾舞鞋嘅舖頭睇鞋，唔夠 15分鐘， Gigi就扑槌買咗 4對。俾錢嗰陣， Gigi仲好眼利發現到媽咪姐，動作快到連佢身邊人都未知發生咩事。之後佢好識做，任影唔嬲。出舖頭時，仲對住媽咪姐笑口噬噬打招呼。今時今日咁嘅被影態度，抵讚！
回望開心笑
經 Gigi提醒，眾人先意識到媽咪姐嘅存在。當日 Gigi掃咗 4對鞋，埋單 14,000蚊。
主動打招呼
Gigi除咗夠眼利，仲好識做，一出門口就同媽咪姐打招呼，真係 nice！
全站熱搜
留言列表
