江若琳個 look睇得之外，估唔到跳起舞嚟都有板有眼，加埋對黑白分明嘅波鞋，搶晒鏡啦！
波鞋牌子： Adidas
size： 36
價錢：$1,399
小特搜
女鞋子
早兩期媽咪姐搜羅咗「男鞋子」，由於反應熱烈，徇眾要求下，今期輪到「女鞋子」喇！
天時暑熱，女藝人着鞋全部以輕便為主，波鞋、涼鞋一樣咁 like，江若琳同萬綺雯兩個形象咁唔同嘅女藝人，原來都一樣喜愛鮮色潮款波鞋。
江若琳襯到絕
我呢對波鞋喺專門店買，特登為咗今次出席無綫個歌星騷去買。出門口前我襯咗好耐，先搵到呢條褲襯對鞋，係咪襯得好絕呢？
楊思琦清涼爽
天氣咁熱，我通常都會着露趾涼鞋，清涼啲嘛！我屋企嘅涼鞋超過十對，黑色最多，易打理又易襯衫嘛！
思琦妹話有踭涼鞋會令雙腳睇落修長啲，咁佢要着多啲熱褲同短裙益街坊喇！
涼鞋牌子：不明
size： 36
價錢：$799
萬綺雯超輕巧
我買波鞋首要條件係夠輕，跑跑跳跳都唔會笨重，款式反而係其次，顏色最緊要夠搶，呢對合晒我要求。
萬綺雯加入 TVB第一套劇《老表你好！》就坐正做女主角，蚊蚊擁有招牌 42吋長腿，着咩鞋都咁好睇啦！
波鞋牌子： Nike
size： 38
價錢：$899
沈卓盈焗臭腳
藝人入廠拍劇前都會着住拖鞋鬆一鬆，輕便吖嘛！呢對毛毛拖鞋唔算好焗，電視城冷氣出名凍，我覺得好舒服。
沈卓盈話公鞋（服裝間提供的鞋）雖然消過毒，不過都唔想着得太長時間，所以佢自備呢對毛毛拖，但天時暑熱，腳汗一定會有囉，會唔會焗臭腳㗎？
拖鞋牌子：不明
size： 36
價錢：$349
鄭融夠跳脫
我平時都成日着有踭嘅鞋，因為唔夠高嘛！不過今次要跳勁舞，惟有着平底波鞋。我買波鞋多數揀高筒，顏色同款都要夠潮！
有跳舞根底嘅鄭融，上星期為《翡翠歌星紅白鬥》積極練舞。佢話有贊助商送波鞋，今次專登揀對紫色波鞋襯番件衫！
波鞋牌子： Nike(贊助)
size： 35
價錢：$899
全站熱搜
留言列表
