黃榕冒犯法危險，喺公眾地方全裸拍寫真，更期望以美感角度脫罪。自言係演藝學院文學士嘅 𡃁模許穎卻不大欣賞，言詞之間，更暗踩對方冇審美眼光，
我覺得有人應該讀多兩年書先。
審美眼光同讀書冇直接關係嘅。如果有，嗰啲十大最佳衣着名人，應該全部都有博士級學歷。
小 S徐熙娣生咗 3胎，但堅稱胸部冇下垂，身體仲好似以前咁，
我私密處很緊密，……老公也進不去。
老公進不去，又點可能有 BB生。
除非佢係聖母瑪莉亞啦。 
李克勤日前出席活動時承認買咗豪宅。當被問到幾多錢時，佢隱晦答道：
價錢係我要做到 100歲前都唔好死。
有能力買，即係有能力供啦。好過大部分人，想做房奴都冇資格。
蘇施黃多年前嘅着裙短片喺網上熱播，近日佢開腔回應，笑指自己都有靚過嘅一面；至於會否再着裙？佢耍手擰頭：
個肚大過個胸，個樣又衰到咁。
好明顯，蘇施黃係識寫「自知之明」呢四個字嘅，恭喜。
劉華日前出席公開活動，被追問 BB女近況，點知佢一律拒絕回答，更不客氣埋怨傳媒，
你哋固執咁問，我又固執地唔答。
咁你就固執地堅持固執啦。其實大家都係想分享吓你嘅喜悅啫，唔使起晒槓嘅。
全站熱搜
留言列表
