雖然呢輯酒店相係全裸,但黃榕強調冇露三點,亦冇意淫動作。

媽咪姐

全城圍插黃榕全裸反擊

2012年07月13日 ~~ 第885期 忽然1周

年年模出寫真就多是非,今年都唔例外。以全裸兼走陰做賣點 嘅 31歲黃榕,裸照一出,即被其他模狂插。 Phoebe許穎寸爆話黃榕全裸犯法,叫對方讀多兩年書;加埋名模陳嘉容踩多腳,話佢有傷風化。黃榕本寫真都未出街,已經四面受敵。


森林裸照俾人話 喺香港公眾地方影全裸相係犯法,黃榕解釋:「輯相 喺海南島三亞一個森林度影,我後面係山坡,前面圍晒布,完全冇人經過,我亦冇影響到人。」

其實呢位「寫真盛女」仲有輯酒店全裸 牀照。不過就冇野外剝光豬咁激。對於全城圍插,黃榕好無奈:「鄭文雅當年影寫真都好激,我只不過係趁自己仲 keep到,想影放 啲。而且我 嗰 啲都係 喺森林擺 pose,完全冇意淫動作,希望大家唔好再攻擊我!」愈講愈 㷫,黃榕仲鬧爆 Phoebe:「佢讀咁多書,講到自己咁勁,應該好有修養至係。話人 哋前,都要睇吓自己先,舊年佢本寫真又舔雪糕又玩陽具,我唔覺得佢有幾高尚囉!」睇 嚟呢場隔空罵戰有排都未收科!

同場加映
30歲蔡恩真夠索




韓女蔡恩真早前為某化妝品公司拍廣告,廣告入面 嘅蔡恩真,一 啲都睇唔出已經 3字頭,身材弗爆,絕對索女一名。咦,下年不妨諗吓拍番本寫真集好 噃,媽咪姐認為一定有市場。

arrow
arrow

    tvblife 發表在 痞客邦 留言(0) 人氣()