今日我至囧
高登男神馬明喺《回到三國》入面啲演技浮誇到暈,嗱埋口面個樣同胡囧囧有得揮,又有潛力圖啦!

馬國明和林峯主演的無綫新劇《回到三國》今個星期首播,收視高開,但有網友大彈馬國明演出過火浮誇,若是吳卓羲扮演更理想。昨日馬國明到電視城錄影節目堅稱不覺過火,更獲同場的商天娥力撐,馬國明認為最重要是觀眾喜愛,浮誇無罪。

由林峯和馬國明(馬明)主演的無綫新劇《回到三國》,本周一推出,收視理想,第二集平均收視有32點(約205萬人),最高更達35點(約224萬人)。雖然收視高開,但很多網友大彈馬國明的演出浮誇,完全過晒火位,又有網友指當日拍節目巡禮時,是由吳卓羲扮演馬國明的角色,如果真的由吳卓羲演出,效果必更理想。


Chok過林峯
日前播出馬國明見到諸葛林峯後,即時扮林峯係咁 chok。


誇張 O嘴
劇中馬國明返到三國嚇到擘大個口得個窿,觀眾看到他的誇張樣都 O晒嘴。


馬國明和娥姐昨日演出搞笑版《肉蒲團》,兩人也忍不住笑。

「搞笑要 high啲」

昨日馬國明、商天娥、羅浩楷和麥長青,在電視城錄影新節目《玩轉三周1/2》,他們穿上古裝演出搞笑版《3D肉蒲團》,名為《慳啲浴泡團》,其中馬國明和娥姐要演出床戲,又要借位作狀咀嘴,相當搞笑。
提到被網友彈演技誇張過火,馬國明說:「唔係,一開始接到劇本已係朝住搞笑方向去,係一套喜劇,同埋喺現場會加啲即時爆肚,臨時加一啲戲令效果更好,係大家一齊討論出嚟。」他表示林峯角色毋須搞笑,那麼他的角色豈非很搶鏡?馬國明說:「咁佢有佢嘅 smart樣,搞笑角色係要 high啲。」
一向被指難相處兼要求多多的娥姐竟出言力撐馬國明,她說:「古裝誇啲冇問題,時裝就唔好,林峯咪照 chok,馬明就係 gag chok王。」馬國明直言無論怎樣,最重要是觀眾受落喜歡。


吳卓羲(右)和馬浚偉負責拍攝《回》劇的節目巡禮。

吳卓羲:我都想拍

馬國明又被指鍾意人妻,他笑言後生女很難照顧,記者笑問他是指誰,馬國明未有回答只說:「總之我家係單身,真係要叫娥姐介紹。」娥姐即笑稱她身邊很多朋友的女兒剛讀完書,條件很好,馬國明認為最緊要是雙方溝通到。
至於吳卓羲對於獲網友力撐,他前日在電話中說:「多謝大家支持,我都想拍,但開拍時我已拍緊《法證先鋒 III》,所以拍唔到。」他表示因忙拍劇,故未有看馬國明演出,要稍後才可重溫。
採訪、攝影:楊潔雯、江芷寧

林峯 Chok諸葛怕甩鬚


林峯飾演的諸葛亮要黐鬚(小圖),故他不敢笑得太勁怕笑甩鬚。

林峯在無綫劇《回到三國》中飾演諸葛亮,提到該劇內容跟當年的《尋秦記》差不多,林峯說:「唔同,以往穿越劇都講嗰個人好熟歷史,返到去會好勁,但呢套馬明(馬國明)根本唔識歷史,淨係識打機,知啲唔知啲,先至鬧出笑話。」林峯黐鬚扮諸葛亮,他笑說怕甩鬚,每次只可「 hohoho」這樣笑。
提到拍攝時正發生潘霜霜床照事件,林峯說:「我慶幸可以堅強繼續做嘢,演角色要集中精神,但每日都有記者等我,我絕對明白,我應該做或可以做,我都交代畀大家,所以都要多謝記者,令我某程度有些少成長。」
採訪、攝影:黃曉妍

arrow
arrow
    全站熱搜

    stacylife 發表在 痞客邦 留言(0) 人氣()