做仔女梗係要孝順父母。(真實對白)

娛聞樂

《三國》愈插愈紅 馬國明 50萬包起老父手術費

2012年07月20日 ~~ 第886期 忽然1周

《回到三國》播出兩個禮拜,主角馬國明被網友彈演技浮誇,亦有觀眾投訴馬明大講「 PK」好不雅。雖然口碑麻麻,但依然叫座,最高收視有 34點。愈多人彈愈多人睇,帶挈馬明人氣爆燈。不過,當紅背後另有辛酸。據知馬明父親早前心臟有事入院,馬明更包起五十萬手術費,所以孝順仔近日要搏命搵銀。
6月 20日,本刊影到馬明陪雙親去酒樓飲早茶,回家途中與相熟地產經紀 update樓市近況後,他才返電視城開工。事後馬明直認想買多層樓投資,既顧家又有事業心,難怪能成為無 綫小生中的筍盤 2號啦!

由馬國明擔正的喜劇《回到三國》,被指製作「求其」,馬明演技又被彈浮誇。不過這類穿越時空劇集向來有收視保證,男主角一定爆紅。 01年古天樂的《尋秦記》、去年鄭嘉穎的《步步驚心》都收視報捷。今次馬明取代吳卓羲擔正《回到三國》做男主角,證明他備受 TVB力捧,即使演繹方法彈多過讚,但收視依然高企,點計都有 着數。


陪兩老嘆茶
6月 20日早上十時,頭戴 cap帽的馬國明,與父母到太古城酒樓飲茶。事後他表示因父親節當日要工作,故與父母飲茶補祝。


溫馨睇溜冰
嘆茶後馬明繑實母親手臂,走到溜冰場前睇人溜冰。睇得多馬明喺《三國》嬉皮笑臉個樣,呢個孝順仔樣,真係好新鮮。


三人行遊商場
馬明右手繑母親,左手輕搭父親肩膊,一家三口喺商場閒遊。估唔到平時木木獨獨嘅馬明,對老人家咁照顧周到。


相熟地產吹水
行經寓所附近一間地產舖,馬明與父母駐足睇樓盤標貼,未幾一名女經紀步出與眾人傾談。

孭起父親手術費


執到支好籌,事業一帆風順,馬明仍心事重重。據知早前其父心臟出現問題,即時入私家醫院做手術。知情人士透露:「馬明阿爸每年都有驗身,年頭驗到心臟有事需要做手術,醫生話好在發現得早,趁早做手術就唔會好麻煩。馬明同醫生講最緊要醫好阿爸,錢唔係問題!呢個手術 喺私家醫院做要成五十萬,馬明自己 孭晒。」

經過手術及休養後,馬父已無大礙。 6月 20日早上 10時許,馬明與父母在太古城北京樓嘆茶,全程戴住 cap帽的他對兩老照顧周到,由點菜到斟茶都不用兩老費神。現場所見,馬明為了父親健康 着想,所選的點心都較清淡,如小籠包、餃子、雞湯麵等,煎炸食物一碟都冇。嘆茶兩小時後,他扶住兩老慢行返家,途經寓所附近一間地產舖,三人停下研究。其間一名看似相熟的女經紀步出與馬明打招呼,眾人傾了數分鐘便離開。

現與家人同住太古城的馬明,揚言一日未結婚,都會與屋企人同住。他發現父親身體出現毛病前,已經有買樓投資的打算。據知馬明有意買入太古城的單位作投資,貪其是港島區樓價指標,加上居於此屋苑近廿年,對環境熟悉,夠晒穩陣。

彈多讚少


《回到三國》播咗兩星期,惹來唔少網友熱烈討論,除咗狠批劇本冇誠意,亦大罵無綫選角不當。馬國明更被插到體無完膚。




演技低能


唔好笑


少數力撐

買定樓結婚用


向來形象健康的馬明,入行以來緋閒女友只有曾華倩與胡定欣。去年被指與胡定欣同住太古城方便拍拖,不過三年情早前正式畫上句號。

上周日(8日)馬明與徐子珊在 TVB飯堂拍《戀愛季節》時,承認父親早前做了手術:「老人家總會有 啲小毛病。佢(父親)早排係入過醫院,乜 嘢病唔好講啦!總之依家冇事,多謝關心。(手術費要成 50萬喎!)幾多錢都唔重要,最緊要身體健康。做仔女 嘅好應該孝順父母。(最近計劃買樓投資?)都有留意吓個樓市,有筍盤梗係想要,買定第日結婚用嘛,哈哈!不過依家個樓市真係好癲,如果遲吓個價回落,又有 啱 嘅單位,我都會考慮。」早前才與胡定欣分手榮升「筍盤」,馬明咁快又諗買定樓結婚用,唔通有新目標?

吸金筍盤


馬明加入無綫十二年,由二打六角色到現在一線小生,身價幾級跳。今年他積極搵銀,拍劇、廣告、商場騷密密做,上半年已吸金 6百幾萬。

劇集


《飛虎》演悍匪

馬明升呢成一線小生後,拍劇身價約 3萬元一集,今年 6劇在手的馬明, 420萬袋袋平安。
《 On Call 36小時》 25集  75萬
《飛虎》 5集  15萬
《回到三國》 25集  75萬
《名媛望族》 40集  120萬
《戀愛季節》 5集  15萬
《衝上雲霄 2》 40集  120萬

代言


DSC電視廣告

馬明 keep住健康形象,所以廣告商年年續約,代言人長做長有。
「 Bella」美容代言 約 30萬(06年至今)
DSC德爾斯 約 50萬(11年至今)
新世界電訊 IDD 約 35萬(07年)

商場騷


周日( 15日),馬明出席商場活動,即場表演控球。

此外,馬明每月平均接 4個商場騷,每個約 5萬計算,上半年又穩袋 120萬。
2012年上半年共賺 655萬

arrow
arrow
    全站熱搜

    tvb4life 發表在 痞客邦 留言(0) 人氣()