體貼夫
阿田避雨，阿澤就一手擔遮，一手將疑似畫架嘅嘢遞俾老婆，冇句怨言。
媽咪姐
杜汶澤田蕊妮下火夫妻
做人切忌浮誇，想當年杜汶澤同田蕊妮兩公婆一朝得志，語無倫次，搞到犯眾憎。好彩佢哋回頭是岸，加上阿澤早前患咗「米勒費雪症候群」呢個怪病，更加修心養性。媽咪姐早幾日喺九龍城街市，撞正兩公婆拍拖買完餸。
阿田正一精明師奶仔，上咗車冇耐就發現媽咪姐，「嗱嗱臨」報寸俾老公知，不過佢哋鬼死咁 nice，笑住同媽咪姐揮手。之後阿澤明知媽咪姐跟實，都以正常速度，揸咗大半個鐘頭車返元朗屋企。與此同時，上天再要試煉呢對夫妻，決定落番場過雲雨。風雨交加，但阿澤冇話火起，仲叫老婆匿喺停車場避雨，自己就單拖將啲戰利品拎返屋企，認真貼心。
悔改前，阿澤經常穿金戴銀，但嗰日佢一身造型大眾化，着住嗰件街牌「 OBEY」 tee四百蚊有找。揸住「 Aape」紙袋，呢個日牌唔貴，大約三百蚊就買到件 tee嘞。
所以話，人要悔悟，必先飽受煎皮拆骨。杜氏伉儷 get到晒喇！
醒目妻
全站熱搜
留言列表
