親身體驗
馬詩慧睇中兩支護膚品，店員隨即喺馬詩慧嘅手背上塗護膚品。
媽咪姐
馬詩慧掃貨不離母子兵
每逢轉季遇着名牌大割引，又係女星們紛紛出動掃護膚品嘅時候。
前幾日，名模馬詩慧（ Janet）同細仔王躍穎去圓方 shopping。 Janet曾經講過囝囝唔鍾意佢着低胸衫，見佢俾人望多兩眼，囝囝仲會幫佢拉番高件衫。難怪當日佢一反常態，着住件長袖恤衫襯牛仔褲，兼夾以素顏四眼 look上陣，保持低調。
不過 Janet都算唔話得，快快手掃完護膚品後，見囝囝想食 Godiva朱古力，即刻慈母上身買咗包俾佢慢慢嘆。兩人沿途邊行邊傾，完全零代溝。母慈子孝講嘅咪係呢 啲囉！
細心研究
其間，馬詩慧對唇膏好有興趣，彎低身慢慢揀。
馬詩慧同囝囝王躍穎並肩而行，沿途有傾有講。
王躍穎鍾意食朱古力，馬詩慧亦投其所好，任佢到名朱古力店掃貨。
全站熱搜
留言列表
