玄彬唔係咩花美男，但卻擁有一份難以言喻嘅魅力。就似佢入伍前所拍攝嘅新一輯寫真集，留鬚造型加深情目光，令亞洲女 fans為其痴迷。
亞熱帶
玄彬 男妓爆紅
韓國型男玄彬，憑韓劇《我愛金三珣》一躍成為韓國「新世代最耀眼明星」。 2010年，跟河智苑合作《秘密花園》，劇集更攻陷中、日、台、韓一眾劇迷，人氣爆燈。同年又夥拍中國女星湯唯拍話題電影《晚秋》（香港上映中），玄彬飾演一名專呃女人錢 嘅男妓，電影北美爆紅，玄彬更被稱為「亞洲超級男星」。正當事業高峰之際，玄彬去年 3月 7日卻要暫別藝壇，入伍從軍。
話咁快，玄彬將完成為期 21個月 嘅軍訓，今年 12月 6日便退伍。
最近張東健出口幫老友玄彬賣廣告︰「我們熱切期待玄彬的回歸。」
唔少電視台同電影商已經為玄彬度身訂做劇本。
咁多人照，退伍後玄彬一樣大把世界。
今年剛滿 31歲 嘅玄彬（原名金泰坪）， 03年由男模晉身演藝界，出道兩年，發展平平。 05年，與 30歲演技派女星金萱兒合拍《我愛金三珣》，當年只得 24歲 嘅玄彬飾演嘅三石少爺，有錢又靚仔，卻偏偏愛肥女三珣愛得要死，形象討好，即時成為韓、港、日、台女性殺手，風光無限好。
《我愛金三珣》
玄彬同金萱兒嘅《我愛金三珣》，掀起剩女嫩男配熱潮，更令玄彬從此登上高峰。
《秘密花園》
以靈魂穿越為題材嘅《秘密花園》，因劇情新穎及帶有少少懸疑，令玄彬及河智苑兩人人氣同時提升。
電影《晚秋》
電影感覺好淒美。湯唯飾演因殺夫喺美國踎監嘅中國女人愛娜，一次假釋機會，在旅程中遇到喺美國以男妓為生嘅韓國男人勳（玄彬飾演）。兩人陷入短短嘅 3日戀情。
玄彬同湯唯喺戲中一個激吻鏡頭長達分半鐘，破咗韓國影史上最長接吻戲紀錄。
《秘密花園》創高峰
可惜《我》劇後無以為繼，雖然人氣依舊，但無論電影或電視劇，都未能再顯鋒芒。直至 2010年夥拍河智苑拍《秘密花園》，劇集瘋魔亞洲，令其人氣登上頂峰。《秘》劇餘威未了，年尾再破天荒與拍《色戒》成名的大陸女星湯唯拍電影《晚秋》。
《晚秋》講兩個異鄉人，一個係專呃女人錢 嘅軟飯王；一個係殺夫 踎監，因父喪獲假釋 7日 嘅女犯，兩人偶然邂逅發展出一段短暫情緣。因為全片 喺美國西雅圖拍攝，所以電影於北美上畫時，立即成為話題電影，更被獲邀參加第 35屆多倫多電影節（媲美法國康城影展）。
事業得意，但愛情卻波折重重。玄彬出道以 嚟，緋聞唔少，但全部係冇米粥，得其親口宣布證實女朋友身份嘅，只有韓國人氣女王宋慧喬。呢對韓國人眼中嘅金童玉女 08年合作拍電視劇《他們生活的世界》撻 着。《他》劇雖然有兩個巨星坐鎮，可惜明星效應失靈，收視滑鐵盧，所以兩人高調公開戀情，就被指為谷收視做宣傳。兩人戀情維持 3年多，人人以為打風打唔甩之際，玄彬卻喺 2011年 3月入伍前宣布分手。
混在同期入伍新兵中， 30「高齡」玄彬備受注目。
高調拍拖
和宋慧喬熱戀期間，兩人出席活動時毫不避嫌，高調晒恩愛。
早前網上突流傳玄彬和李世恩（《大長今》奸女阿烈）合拍嘅泳裝廣告，更嘲笑玄彬係「有肉冇肌」。據云玄彬得知後，笑言係「人生奇恥大辱」。
張東健不但喺新劇《紳士的品格》中提及玄彬，更喺微博幫玄彬作回歸預告。
人氣被軍方利用
玄彬入伍初期，因為人氣關係，被所屬海軍陸戰單位及韓國軍方用到盡。喺正常操練之餘，還要不時出席軍方活動，又以其軍旅生活為主題推出寫真集，於日本及台灣發行。軍方的行徑，令玄彬經理人公司 AM娛樂十分不滿，他們認為玄彬只是普通士兵而非演藝士兵，連民眾亦指摘軍方利用玄彬斂財。
眨吓眼，玄彬尚有唔夠四個月就退伍。一向視玄彬為細佬嘅韓國阿哥張東健，已在微博預告﹕「我們熱切期待玄彬的回歸。」其實唔止玄彬老友期待， die hard fans更係等到頸都長啦。
馬拉松大賽
玄彬入伍唔夠一年，就俾軍方利用，派去參加馬拉松大賽及其他活動，惹來各方指摘。
晉升一級兵
玄彬於今年初，獲晉升為一級兵。
嚴格訓練
玄彬並非少爺兵，喺接受各種各樣訓練時，表情嚴肅，姿勢和動作均表現得十分利落。
休假 Shopping
5月初，玄彬趁休假，獨自到狎鷗亭 shopping購買父母親節禮物。
留言列表
