李麗珊有兩個女，長女 6歲，細女 4歲。呢日佢拖住嘅應該係長女黃希暟。睇囡囡身形窈窕，腳長長，盡得媽咪「真傳」呀！
媽咪姐
「風之后」李麗珊湊女迎奧運
四年容易又奧運嘞！每到呢個時候，媽咪姐總係會諗起「風之后」李麗珊，諗起佢嗰句豪言壯語：「香港運動員唔係垃圾！」又記得佢話要四百萬咁鬼貴養一個細路。當然，仲有佢為我哋香港人喺 96年攞到第一面奧運金牌啦！
究竟珊珊依家生活係點呢？好好彩，媽咪姐早前喺跑馬地撞到佢呀！當日下午，依家全職做家庭主婦嘅佢，踢住拖去教育中心湊女返屋企。趁住空檔時間，珊珊仲特登行到好鬼遠，去買埋兩個包預備俾上完興趣班嘅囡囡醫肚。而有晒運動員優良遺傳嘅囡囡，生得手長腳長，非常好動，話唔定第日可以繼承阿媽衣鉢，幫我哋香港再攞金牌喎。
香港運動員唔係垃圾，我會一直為大家加油！（設計對白）《蘋果日報》圖片
99年，珊珊同多年隊友黃德森結婚，連當年特首董伯伯都有去飲！依家老公係「香港運動員就業及教育計劃」經理，佢就全職湊女。《蘋果日報》圖片
車神囡囡
阿女活潑好動，一上車，點都要揸吓軚盤先開心。不過佢知媽咪好嚴，好快就坐番司機位旁邊。
「風之后」話自己係個嚴母，唔會隨便俾兩個女食朱古力等甜嘢！呢日佢就買定兩個包俾阿女食，夠健康。
教育中心門外坐滿等放學嘅「印印」，只有珊珊企正喺門口等囡囡，親力親為湊女。
全站熱搜
留言列表
