邁亞美狂晒
藍天碧海呀！ Bikini呀！見到黃智雯喺邁亞美嘅 South Beach玩沙，真係透心涼！
媽咪姐
黃智雯辣㷫 New York
上期媽咪姐先讚完喺《飛虎》做烈火隊員嘅黃智雯（ Mandy）唔知點解上得快，依家終於知答案嘞！咪就係勤力囉。原來佢早排拍完《法網狙擊》，趁有長假，就飛咗去美國進修兼度假。
「好耐無放假嘞！所以去咗 New York探朋友，順便上咗個一星期嘅跳舞課程。因為好難得飛到嚟，唔想嘥咗啲時間！之後，我去埋環球片場同埋邁亞美玩，享受埋陽光與海灘，仲見到好多靚仔㖭！佢哋好 nice呀，主動幫我影相，可惜自己唔鍾意異地戀，不過有得睇都好過冇嘅，哈哈哈！」聽 Mandy講得咁 happy，媽咪姐都好想飛囉。但邊有咁多錢同咁多時間，惟有用眼睛去旅行啦！
學舞最 high
Mandy喺紐約最出名嘅 Broadway Dance Center學 Jazz、 Hip Hop等舞蹈。「計番每堂都係$150（港元），好抵！而且同學嚟自世界各地，好好玩。」
除咗跳舞， Mandy去咗三個主題公園，佢話環球片場呢個 Harry Potter區好靚，一定要去！
全站熱搜
留言列表
