無記面容扭曲
喺十號風球下，汪溟曦被吹到面容扭曲，女神形象破滅。
媽咪姐
女神，吹走了！
今個颱風真係吹到媽咪姐心都寒，由 3號、 8號、 9號至 10號，媽咪姐都喺條街見證到，燈柱斷咗，樹木冧晒、甚至乎人都幾乎吹走埋……
喺咁嘅情況之下，最慘嘅就係一班報道天氣嘅主播。無獨有偶，無綫、亞視今次清一色派晒女主播出去淋雨、食風。睇住李盼儂企响海邊鬼咁牙煙、汪溟曦個嘴仔吹到歪晒，真係好慘呀。難怪班高登巴打喪插電視台冇人性，紛紛為主播女神打抱不平。
無記慘無人道派晒啲女神出去，獨留男主播喺鏡頭前神色自若地 chok。
亞記一樣派女將出去食風，由於冇安全帽配備，李靜愉為保形象，全程按實頭髮。不過一手難敵狂風，頭髮始終亂了。
前女神拍電影
講開主播女神，不得不提起新聞之花張洺華（前名張寶華）。佢最近開拍愛情微電影《物．語女子》，仲演埋一份㖭。女神報新聞就叻，唔知做戲又得唔得？
全站熱搜
留言列表
