揞名爆
「面盆」貼錢冧「跳得」
媽咪姐成日都話，女人好多時為愛情，真係乜都得！好似「面盆」同「跳得」拍拖以嚟，成日俾人話女尊男卑，但女方喺人前處處維護男方，好鬼保護呢段唔被睇好嘅戀情。
咁唔經唔覺，佢哋都拍咗拖一段時間啦，情到濃時自然想日日見！但做娛樂圈呢行，連出街食餐飯都會俾閃光燈狂閃，最理想嘅，都係同居啦。所以，貼心嘅「面盆」就喺「跳得」屋企附近搵咗個甜蜜私竇，方便男友探屋企人之餘，兩個人又可以好開心咁日日見面， good晒喇！而且「面盆」對呢個「家」真係好上心，除咗親自挑選至愛家品，布置一番外，仲連租都俾晒，完全唔使「跳得」擔心㗎。
講真吖！「面盆」同「跳得」嘅收入差成一大截，對佢嚟講，使少少錢真係濕濕碎。只希望，今次佢真係遇到真愛啦！
全站熱搜
留言列表
