卓韻芝日前為宣傳棟篤笑騷，浮誇喪喊造勢。
新一代才女卓韻芝為咗10月11同12日兩場喺灣仔新伊館開嘅棟篤笑騷造勢，日前開咗個「認定錯先記者會」，預演個人騷，片段喺 YouTube熱播，點擊接近15,000人次。阿芝為表示自己罪該萬死，特別向公眾認錯，仲聲淚俱下，情緒激動到拎住膠刀係咁捅入自己個肚，不過演技太浮誇，唔夠逼真，但效果就好爆笑。
卓韻芝大玩糟質拍海報，不停撻生魚，搞到周身瘀痕。 
用膠刀捅肚（箭嘴示）嘅卓韻芝，向公眾認錯。 見血仲好
阿芝喺段片出場時好有歉意，邊喪喊邊話：「人生流流長，一定有啲事做錯，我道定歉先，我想同各位嘅家人、同事、工人同看更喺呢度認錯。」阿芝近日已開始為個棟篤笑閉關度橋，佢日前仲着住豹紋 bra，外穿肖像小背心影海報，仲應導演要求係咁撻生魚。
馮仁昭噚日打畀阿芝，佢馬上問：「我啲戲得唔得？」浮誇得滯，佢話想營造笑彈冧 fans，佢仲話：「我拍嘅時候要扮喊，但忍笑忍得好辛苦。」對於捅一刀嘅畫面冇咗血漿略嫌美中不足，阿芝直認：「真係爭咗包血漿，有血四射效果好啲，大家會原諒我。」阿芝唔擔心浮誇演技再累積負評，問到佢覺得近日邊單娛樂新聞最抵死，佢力數黃榕當眾除低熱辣辣泳褲送中坑粉絲，佢揶揄：「真係唔知佢下次要做啲乜嘢。」
全站熱搜
留言列表
