正佗着六個月孖仔的黎姿（GiGi），自懷孕以來，安胎生活一直過得充實又幸福，除了湊孖女、陪家人和老公外，又會在微博跟粉絲分享個人懷孕瘦身之道。

上周二（七月廿四日），正值她的一對心肝寶貝女馬家蔚和馬家鎂的兩歲生日，這位廿四孝媽咪，即使已經肚大如籮，仍然懷着興奮心情為女兒生日會四出奔波，十足廿四孝母親！

上周五（七月廿七日），黎姿透過微博公開其瘦身餐單和「官方」孕婦照。照片中的她精神奕奕，一臉幸福。

幸福湊女

縱使懷着六個月身孕的黎姿，已經肚大如籮，但在這數個月安胎的日子裏，她每天只要身體狀況可行的話，便會親自湊她的一對愛女馬家蔚和馬家鎂上幼稚園playgroup。

上周二（七月廿四日），她的一對孖女兩歲生日，當日下午一時多，夫婦倆乘坐豪華七人Van離開寓所直駛往深灣遊艇會，逗留了約兩小時，GiGi便先行離開，乘車往灣仔新鴻基中心，再跟丈夫會合，但一對寶貝女全程卻未有露面。

GiGi其後乘車返回美容中心巡視業務，至晚上八時多才離開，再到四季酒店跟丈夫撐枱腳。雖然整日奔波，但大肚GiGi一直顯得精神奕奕，笑容滿臉，當問到她送甚麼禮物給孖女、再次懷孕是否佗孖仔，以及丈夫對於再度有喜可有獎賞時，她只是笑了笑說：「未呀，冇呀。」

雖然粗身大勢，但GiGi行動卻不覺論盡。

外出時，助手既為大肚GiGi攞手袋，也為她開門，相當體貼。

萬千寵愛

據悉，一對寶貝女兒兩歲生日，GiGi本來打算如去年一樣於半島舉行生日會，但因之前一晚遇着打十號風球，故她臨時決定改為於深灣遊艇會為孖女慶祝。「嗰日朝早仲係三號風球，個生日會都係臨時通知地點。GiGi請咗好多好朋友，例如伍詠薇夫婦同埋時裝設計師Bonita Cheung；而父母同細佬，因為嗰日橫風橫雨，所以GiGi都叫佢哋留喺屋企好啲，唔想佢哋咁辛苦。不過喺生日會度，佢都有叫兩個囡囡透過電腦同公公婆婆、舅父視像對話。」其好友透露。

孖女生日當天，一眾出席派對的來賓紛紛送上別致禮物，GiGi也代女兒道謝。

跟太太在四季酒店晚飯後，「愛妻號」馬廷強乘另一七人車離去。