猷亨女友陳可欣（右）跟超盈一樣叫 Sabrina，二人拍拖年半，當晚他更發表愛的宣言，「我最鍾意係 Sabrina。（點追女?）我只識追我女友，其他要問細佬（猷君，左）。」
社交圈
何猷亨搞 ball惹是非
上週五晚賭王四太仔何猷亨，以學生會名義處男下海搞保良籌款 ball，四房全家撐場。家族猛料係人都俾面，十九歲仔碌人情牌已籌到一百萬，但原來阿太們對座位安排一直各有意見，保良局主席梁寶珠硬要安排女兒林玉茵坐主家席，知情者話：「仲指定個女要坐佢隔籬或對面，佢哋以為呢個係保良節目，忘記搞手係學生會。」有傳當晚有人要脅，叫朋友不要買兩張枱，直到開 ball前仍未傾掂點坐，令猷亨好激氣，「他諗住大不了自己買埋兩張枱，最後顧全大局免阿媽難做，兼大家拗到無晒氣，是但啦，林玉茵最後坐阿媽對面。」知情者說。
事後向四太求證，她懵然不知說：「第一，我唔清楚，因為全程我無參與，亦唔清楚，都晒頭。猷亨無同我呻，超盈自己買枱，坐唔坐主家席有咩所謂。」調位事件最後平息，是夜十九歲的壽星仔猷亨亦跟友人到 dragon-i慶生兼慶功。
在英國讀女校的細妹超欣（左）及暑假在 UCLA讀暑期班的超盈（右），專登回港數天以示支持，提起前男友 Greg，超盈簡單交代，「我哋好少聯絡，但大家係 mutual分手，唔關第三者事。」
入場時梁寶珠（右）木無表情，女兒林玉茵（左）則全程黑面。
壽星仔成個大佬款一馬當先，帶埋班友人，包括 SASA太子爺郭浩泉（左三）入場，問他生日願望？「父母身體健康、開開心心。」似有弦外之音。
十七歲的猷君十一時多率先到 dragon-i出席哥哥猷亨生日會，未狂歡已飲到面紅紅、皮帶釦更鬆開。
保良 ball翌日是猷亨（左）正日生日，打扮老積的他帶埋女友（左三），與細佬何猷君（左二）、細妹超欣（右二）及四太梁安琪到養和探望賭王兼食蛋糕慶祝。四太更話賭王讚阿仔女友係敷 MASK，「即係 FULL MARKS呀。」
精於數學的猷君果然有計，從 blog相見到他經常有女圍。
超盈返家換衫穿平底鞋後，匆忙帶着蛋糕到 dragon-i。
當日超蓮和三太到醫院接班，四太一家便走人。
霍家遺珠
何家淑女出名索，但霍英東 嘅兩個孫女霍思緯同霍詠詩都 watt數十足，只不過蒲得低調，差 啲走漏眼。
霍思緯鬼祟入場
上週二，霍震寰長女霍思緯出席 Max Mara時裝騷，做珠寶設計的她兜路避過傳媒直接入場睇騷，其實影張靚相 啫，下次大方 啲啦。
霍詠詩快閃
霍思緯堂妹、二房霍文遜女兒霍詠詩，上週五靜靜雞去保良 ball。出名爛蒲 嘅佢，當晚一見到記者亦即擰歪面兼快速閃入場。
留言列表
