12:02a.m.
慢三拍現身
比通告遲了足足兩個鐘的李克勤,與助手慢步走入化妝間,當時他頭髮散亂兼未換上制服。

娛聞樂

奧運騷擺款 李克勤遲大到唔開會

2012年08月03日 ~~ 第888期 忽然1周

今屆無綫與亞視破天荒聯手播奧運,上周五( 27日)深夜,兩台各派出鄭裕玲、陳百祥、顧紀筠、朱慧珊等於無綫電視城主持《倫敦奧運開幕大派對》,無綫契仔李克勤亦獲邀成為主持之一。
自「四大唱片」與無綫交惡後,李克勤今年初才解凍為《勁歌》總選擔任頒獎嘉賓,他即落足鞋油話:「屋企負擔好重,希望返娘家無綫的音樂節目。」以為李克勤恨上節目恨到發燒,但奧運騷當晚他卻遲大到兼唔背稿,臨場做主持時更不時搶對白,巨星態度貫徹始終。

09年尾,四大唱片包括李克勤所屬的環球唱片與無綫因版稅風波鬧翻,他成為首個被叮走的歌手。當時,他表示:「有 啲人話李克勤係契仔,但契仔係第一個被開刀。你簽死約,阿媽自然會錫你多 啲,但我依家 嘅態度係度度都可以去,淨係簽俾某一個台,可能性不大。」冇得靠無綫宣傳,手停口停,李克勤惟有漁翁撒網,車輪轉現身其他電視台。但今年初他重返無綫做《勁歌》總選頒獎嘉賓後,態度開始軟化,最近更破天荒主持無綫奧運。


12:05a.m.
嘟姐準時入廠
鄭裕玲和顧紀筠一早到 6樓綜藝科開會,再返回化妝間換衫後,李克勤才剛剛現身。


有通告為證
按化妝通告所示,李克勤需晚上 10時到達化妝換衫,但他在凌晨 12時才出現。

恃勢遲到


上周五( 27日)夜晚,克勤到無綫電視城預備錄影《倫敦奧運開幕大派對》。據知當晚眾主持的化妝通告為晚上 10時, 1小時後再上行政大樓 6樓綜藝科開會對稿。現場所見,鄭裕玲、鍾志光等未夠 10時便現身一廠化妝間化妝,再趕過綜藝科開會。而三位亞視主持朱慧珊、林韋辰及顧紀筠則自己化妝,並準時於 11時在綜藝科開會。不過,李克勤遲遲未現身,直至凌晨 12時左右,他才與助手及髮型師施施然到一廠化妝間整頭,但此時眾主持已開完會。
約大半個小時後,換好制服 set好頭的李克勤,慢條斯理行到錄影廠接受記者採訪。接受完訪問的他,只顧與台下工作人員、叻哥等傾偈。反觀鄭裕玲、顧紀筠和林韋辰卻緊張地在台前對稿。到開始清場,李克勤才步上台前預備。


12:30a.m.
慢半拍埋位
眾主持及嘉賓入廠後,乖乖坐定定等 on air,但坐在陳百祥及潘宗明中間的李克勤卻行開了。


12:45a.m.
與工作人員吹完水,李克勤才埋位睇稿,此時鄭裕玲等人已準備就緒。


傾個不停
在電視直播倫敦現場奧運開幕典禮時,李克勤即四圍搵人吹水,十足開籠雀咁,連稿都冇睇。


阿叻窒住
節目一開波,陳百祥已不放過機會,明寸李克勤身份尷尬,搞到他面有難色,口窒窒回應。
你代表 now嘛!
......

攝位搶白


過檔 now
近兩年在無綫潛水,缺乏宣傳平台下李克勤亦向現實低頭,年中曾到 now電視做歐國盃主持。

節目直播出街時,打天才波的李克勤,面對嘟姐、叻哥同顧老闆等前輩,亦局做下把位被 㩒住砌。好似節目一開波,眾主持自我介紹,阿叻已率先向他施下馬威:「今日我身邊有個最靚仔但身份不明嘅人坐喺我隔籬(望住克勤),你代表 now嘛!」此時李克勤面色一沉,口窒窒話:「唔係,我我我我其實講真代表邊度都冇所謂嘅,我代表咩呢,我代表所有喜歡運動嘅觀眾朋友,等緊一個好精彩嘅奧運會。」
被阿叻窒完一輪,李克勤未識死,在嘉賓主持林曉峰、梁烈唯發言期間,不停插嘴。亂搭嗲後,李克勤無以為繼,嘟姐更當他透明還以顏色。當她問眾人喜歡看邊項賽事時,刻意跳過李克勤,最後克勤開口說:「其實我鍾意……」,嘟姐即打斷:「講住咁多先!」完全冇機會俾克勤插嘴。
周一晚( 30日)本刊致電無綫製作部綜藝及體育製作主任李漢源,對於克勤遲大到唔開會,李漢源避忌表示不是他負責聯絡:「唔知邊個負責搵李克勤,不過當晚我眼見齊人,你試吓問其他藝員啦。(但化妝通告寫佢 10點返嚟?)寫係咁寫啫!(但嘟姐佢哋都準時 10點到喎?)我唔清楚喎,你問番其他人啦!」




穿針引線
何麗全曾在無綫時負責綜藝科節目,與李漢源(左一)為上司下屬關係。今次李漢源開到聲要人,何麗全亦幫手邀李克勤主持奧運開幕。


關係良好
何麗全在無綫時,與李克勤相當友好,何除了搵克勤過 now做歐國盃主持外,二人亦不時相約飯敍。

撰文:娛樂組 
攝影:攝影組

arrow
arrow
    全站熱搜

    tvb4life 發表在 痞客邦 留言(0) 人氣()