驚青撚蛇
嘉桓話自己一向唔怕蛇，但拎住咁大條蛇喺手就真係有啲驚：「條蛇好重好大條，不過同佢玩熟咗就唔驚，仲任我玩。」
媽咪姐
陳嘉桓奉旨嘆世界
旅遊節目講飲講食又有靚人靚景，媽咪姐一向好鍾意睇。好似無綫嘅《快樂地圖》，搵鄭伊健介紹瓦努阿圖呢個「我想住嘅地方」，睇到真係即刻想移民過去，做個快樂人。
當然，咁開心嘅節目冇人嫌多。最近有線開拍旅遊節目《快樂的地球》，搵咗陳嘉桓（ Rose）做主持，介紹日本沖繩呢個陽光與海灘嘅地方，其間仲有得玩又有得食，真係疏乎。其實呢類「筍盤節目」一向多人爭，據知今次 Rose能夠做主持係有線「欽點」，除咗因為佢青春無敵之外， Rose同有線將會再簽兩部主持節目，一部介紹港澳美食，另一部主持功夫節目。
媽咪姐仲收到風， Rose三個節目嘅酬勞總共廿幾萬，功夫節目辛苦啲要露兩手，其餘兩個節目都係飲飲食食嘆世界。雖然 Rose上年喺橫店有不愉快經歷，但依家人氣旺盛，工作又接踵而來，都算還得神落。
以武會友
自小學習詠春嘅嘉桓，今次到沖繩一間空手道武館以武會友。當中嘉桓以詠春大戰空手道，雖然點到即止，但睇嘉桓打功夫，可觀性好高喎。
09年嘉桓密密上無綫節目，佢曾參加《美女廚房》，露兩手煮幾味。
我哋以後好少機會合作呀峯峯！﹙設計對白﹚
唔緊要，冇你，我都大把女。﹙設計對白﹚
陳嘉桓上年遠赴台灣，為林峯國語碟《第一次》做女主角。兩個喺 MV中飾演情侶，當然有傳緋聞，如今 Rose揀咗有線，再同林峯合作機會好微。
自製玻璃
嘉桓今次自製琉球玻璃杯，由揀顏色到用火燒都親自操刀，不過着住小背心露咁多肉，小心辣親喎。
全站熱搜
留言列表
