媽咪姐
蒙嘉慧衰咗
吖，呢排 TVB劇啲卡士似乎又好番啲喎！好似《衝上雲霄 2》幾經艱苦搵番吳鎮宇做 Sam哥，加埋愈嚟愈少拍港劇嘅 Chilam（張智霖），掂呀！
上周三（ 25日）新劇《仁心解碼 2》開記招，又搵番上集主角方中信做醫生，女主角由蒙嘉慧（ YoYo）代替上集嘅徐子珊。講到發電功力 YoYo當然唔及徐子珊，但係佢 open嘅性格都冧到監製羅永賢喎！嗰日影大合照， YoYo大大聲叫監製：「呢度有位，坐我大髀都得喎！」羅監製一於唔客氣，一手就摸住佢大髀足足廿秒，蒙嘉慧個樣勁尷尬，但又要扮冇事。唉，要怪就怪自己衰多口啦！
撩監製坐大髀
最初 YoYo好風騷叫監製過嚟坐大髀影相，但當人哋行到嚟，都只係搭隻手落佢大髀，佢已經面色一變，笑唔出。講嘢，要用腦㗎！
YoYo唔止口多，仲叫錯同劇演員陳茵媺做「陳媺茵」。喂，陳豪嫂咁紅都唔識？方中 sir都忍唔住出手話過你啦。
全站熱搜
留言列表
