熱愛唱歌嘅小琳，每日喺屋企都會擘大喉嚨練歌，但因為洋樓隔聲設備不足，她又唱得投入，曾經被樓下嘅外籍人士走上門投訴。
星悅居
香噴噴的家 胡琳
做藝人，聲色藝缺一不可，不過爵士小天后胡琳（小琳）還追求香味。小琳一年多前搬到大坑道一個兩房兩廳的單位，獨居的女兒家不但把屋企打理得井井有條，更在大廳、睡房放置鮮花及香薰，令滿屋芬芳，自製香噴噴的家。
Profile
06年出道的胡琳，曲風以爵士樂及 R&B為主，曾奪過 3個女新人獎，及 IFPI最暢銷本地女新人獎。她現為 BMA唱片旗下歌手， 10年 5月改用藝名小琳。
在美國長大的小琳， 06年為了歌唱事業來港。一年多前，她由西環 59樓開放式住宅搬到大坑道一個六百多呎、兩房兩廳的單位，月租近兩萬元，由於樓底高，單位實用，所以就算全屋放滿小擺設也不逼狹！
一打開香閨大門，一陣呍呢拿及薰衣草混集的香氣撲面而來。原來小琳家居四周都放有香薰，而她習慣睡前點香薰，令自己更 relax更容易發個好夢。「我好鍾意點香薰，喺房我會點呍呢拿味，喺廳會點香茅味，而廁所就薰衣草味。」
在大廳的餐枱上，小琳亦放了粉紅玫瑰，而廳及房間則擺放蘭花。「鮮花比較有生氣。不過鮮花擺幾日就會謝，蘭花可以擺個多月但切忌淋水密，就算一星期唔淋水都冇事。仲要用花灑灑水，用杯淋 啲花好易死 㗎。」
在小琳家裏，四周都放有鮮花或香薰，感覺好清新。
這隻小木馬，其實係一隻鹿，「個個朋友上到嚟，都當咗佢係一隻馬，佢有鹿角㗎！」
好友知道小琳鍾意貓，竟然送咗呢個肥貓鮑魚刷俾佢，「我之前喺連卡佛睇中，不過要幾百蚊唔捨得買，點知朋友就送咗俾我。第一日拎番屋企， BB（胡琳愛貓）走去聞佢，可能佢唔會郁，之後 BB都冇理過佢。」
肥貓 BB係流浪貓，幾個月大就俾小琳執咗返屋企養，「佢好怕羞，平時有其他人嚟屋企佢都會匿喺房。」
小琳在網上睇到這幅貓貓畫，同佢嘅 BB好似，即刻落 bid。
在大廳中的大書架，格數甚多，除可容納小琳的書籍、雜誌外，亦擺放了唔少小擺設，更擺放了佢去阿根廷旅行嘅茶具手信。
每晚臨瞓前，小琳都會點起呍呢拿香薰。當佢失眠時，佢會播放海浪聲嘅音樂，令自己更加 relax。
睡房牀旁邊嘅衣櫃頂放有蘭花及香薰，以及小琳 bid番嚟嘅雀鳥掛鈎。
心思環保擺設
簡單擺放鮮花，小琳都小心計算，皆因她活得健康及環保。日常小琳會自榨果汁。拍攝當日，她亦親自榨菠蘿西柚汁給記者及攝影師品嚐，令廚房充斥菠蘿味。
飲食夠環保，連小擺設一樣廢物利用。大廳放了多幅馬匹的畫及相片，其中一幅畫更特別有意義。「紐約有個以馬為主題嘅展覽，我攞咗啲唔同款嘅馬匹 post card返嚟，自己將 post card裱成一幅畫。」
小琳家居的擺設都由她一手一腳去揀，小擺設則於網上 bid回來，平日的家頭細務都要親力親為。「我好多傢俬都喺『宜家』買，但又唔想間屋好似陳列室咁，所以吊燈同鐘就喺有設計特色嘅 Homeless買。」
小琳嘅衣帽間約 120呎，佢啲衫真係多到塞爆衣櫃。而在芸芸嘅靚衫當中，佢就最鍾意這條閃閃長裙。
去年 1月初，小琳着住呢條裙喺演藝學院開咗兩場演唱會。
這幅畫係小琳喺紐約藝術展覽買咗唔同款嘅 post card，返港後裱成嘅畫。
小琳閒時會為愛貓 BB影寫真，而這個紙皮相架係佢利用廢物加工而成。
這盞具特色嘅長燈，是她 08年做演唱會時嘅 set台布置，「我覺得盞燈好靚，咪同公司講想要囉。」
小琳榨果汁一樣循環再用玻璃樽，更加上活塞保存新鮮專業過生果店。
小琳會落街買餸煮飯及榨果汁。打開雪櫃，嘩！多種食物及調味醬料都有，真係三日唔買餸都唔會餓親。
單位平面圖
留言列表
