揞名爆
晨早搞「蒲友」「小甜甜」假純情
近年樂壇無乜睇得吓又唱得吓嘅新人，所以「小甜甜」都算幾快上到位。人紅咗自然想繼續紅落去，所以佢對感情事好小心，成日話無拖拍，免得啲男 fans呷醋嘛！不過咁，早前「小甜甜」就俾人影到同「蒲友」拖晒手返香閨，無得再抵賴。跟住佢哋就對外話大家撻着無耐囉，但實情呢，有圈中二五爆料，幾年前佢哋就已經搞埋咗，仲搞到差唔多全世界都知㖭！
話說嗰時「小甜甜」做緊「小虎眉」助手，不時要陪老細出入排舞室練舞，咁「蒲友」嗰時又練緊舞等出道。 嫰男少女，眉來眼去，一拍即合，不時夜媽媽兩個人留喺排舞室談心。但估唔到嘅係，「小甜甜」同「蒲友」搞埋無耐，大家就喺排舞室嘅垃圾桶有大發現，就係用過嘅避孕套嘞！
查實呢啲咁污糟嘅嘢，大家都唔係有心要睇，只係咁啱個垃圾桶係無蓋嘅，而呢對「乾柴烈火」又鬼咁無手尾，紙巾都無包一張，求其將個用過避孕套丟喺垃圾上面。
唉，平日見「小甜甜」好純咁，真係諗唔到係咁 open。唉，始終係女仔人家，俾人唱就唔好，希望佢依家識檢點啲啦！
全站熱搜
留言列表
