我裝咗身都養眼㗎！（設計對白）
周一，周家蔚同好姊妹 Toby着住黑白束衣出 function，身材好到幾乎破衫而出。但咁樣束住個肚，阿 B會唔會打唔到筋斗㗎！
媽咪姐
周家蔚儲肥生 B
呢個世代，大肚婆佗仔講求潮、型、索！有啲星媽生完仲好似未生咁弗，認真誇張。不過凡事總有例外，啱啱宣布有喜三個月嘅周家蔚，就唔介意生完會唔會走樣，最緊要個 B夠足磅。
上周四晚（ 9日），佢喺助手陪同下去澳門睇騷，為免舟車勞頓，佢就喺當地酒店 stay一晚。翌日，媽咪姐喺酒店大堂同周家蔚撞到正，當時佢素顏，着住背心加 legging，非常有肉到暈。過多兩日，見佢着住超 sexy束衣出騷，嘩！更加逼爆！雖然洪太話佗 B三個月，但觀乎佢嘅粗手臂、無敵胸、實力股同埋凸出嘅腹部，相信佢好有潛力生番個巨 B呀。
肚仔凸凸
一般大肚婆三個月都未肚凸，但周家蔚個肚竟然大到咁！周家蔚同助手去買手信嗰陣鬼咁開心，梗係啦！又有得食吖嘛！
虎背熊腰
周家蔚着住嗰件背心裙咁貼，虎背熊腰立即現形，呢啲就係佢自稱日吃三碗飯嘅效果喇！
全站熱搜
留言列表
