王敏德唱歌 嗰陣，壽星女胡敏珊即時上台伴舞，左扭右扭，風騷到暈。
媽咪姐
胡敏珊 high爆伴舞
上周四（ 9日），鐘錶界女王胡敏珊 喺灣仔搞生日 party，一堆好友到賀，當中包括鄺美雲、丁子高與王敏德夫婦等。壽星女全程 high爆，除咗大騷惹火身材，仲表情多多，開心到周圍咀人。
之後好友陸續上台獻唱，當王敏德唱歌 嗰陣，胡敏珊 high到 喺旁邊跳舞，舉起手扭 嚟扭去，情緒鬼咁高漲。問佢點解 high成咁？壽星女話今年生日好有意義，除 咗同班同事捐血，仲講到明唔要生日禮物，將所有生日利是幫小朋友，自己則送番手錶俾嘉賓做回禮。佢話︰「我想捐俾印尼嘅孤兒院，估計可以幫助 700個小朋友。」好心有好報，抵你年年生日 high爆啦。
唱歌之前，王敏德突然拎疊紙巾出 嚟，用浸香檳 嘅冰水整濕後，再用 嚟抹咪。咁樣 衞唔 衞生？真係見仁見智！
胡敏珊表情多多，又叫又跳滿場飛，之後仲要 嚟個全男班大合照。
全站熱搜
留言列表
