啟程前，孫楊和劉子歌（左）、陳一冰（右二）及黃秋爽（左二）示範奧運會禮儀服。
動人館
孫楊 泳王吸金
2004年雅典奧運會，當時 21歲 嘅劉翔獲得男子 110米欄金牌，為中國男子田徑創出零的突破。奧運會之後，廣告商蜂擁而至，直到 2008年北京奧運會前，劉翔已有 14個廣告 喺手，收入超過 1億人民幣。
2012年倫敦奧運會， 20歲 嘅孫楊以驚人紀錄獲得 400米自由泳及 1,500米自由泳個人金牌，加上 200米自由泳銀牌及 4× 200米接力銅牌。孫楊不僅成績驕人，外形也討好，為佢身價大大加分。據悉依家已經十幾個廣告等住同佢簽約，更有廣告商話孫楊商業價值潛力無限，係一棵新 嘅搖錢樹喎﹗
孫楊具有姚明同劉翔談吐幽默優點，但姚明已退役，而劉翔運動生涯亦走到運動中後期，加上撞欄跌倒，令一眾廣告商嘅目光均轉向孫楊。專家認為， 90後 嘅孫楊，黃金時期 啱 啱開始，商業價值超越劉翔。
現實好殘酷，昔日廣告年賺過億的劉翔，今屆脫腳失誤，身價即暴跌，廣告地位隨時被孫楊取替。
朴泰桓（右）同孫楊雖然賽前有牙骹戰，但兩人早喺廣州亞運會相識，老友嚟㖭。
衣錦回鄉日，孫楊喺北京機場名店買名錶獎勵自己，爸媽就喺旁邊俾意見。
明星氣質煞食
事實上， 喺奧運會之前，孫楊已經係服裝品牌「伊利」、運動品牌 361°及可口可樂 嘅代言人。而「伊利」 喺孫楊由倫敦返回北京當日，即傳出開價 7位數字跟孫楊續約，而 361°負責人亦宣布同孫楊簽長期合約，中國可樂公司更 喺孫楊獲得 400米自由泳金牌當天，罐面已換上孫的肖像。此外亦有十多家大企業實，搵佢做代言人。
難怪廣告商趨之若鶩，孫楊確係具備 咗「體育新貴」所有條件﹕被稱為「水中劉翔」 嘅孫楊，不單有 1.98米身高兼生得帥氣，最大優勢係擁有大批年青粉絲，呢 啲就係市場最大 嘅「客戶」。
名成利就的孫楊，曾因為囂張， EQ低惹來負面新聞。好似舊年上海世錦賽男子 200米接力賽後 嘅新聞發布會，因為記者目標集中隊友張琳度，孫楊唔耐煩，一聲唔出離開會場。事後佢俾記者圍插，話佢俾成名沖昏頭腦，唔識尊重人。事隔一年， 喺今屆倫奧上面 嘅孫楊「內功」已有所改善，態度大方而且說話謙和，完全係一個人見人愛 嘅大孩子。
孫楊成名，財富鋪天蓋地襲來，但只怕孫楊受唔住財富引誘，把心思放晒 喺搵錢方面，就如女子網球 嘅李娜咁，掛住拍廣告搵錢而失 咗球技。期待孫楊 喺下屆巴西奧運會再擦新世界紀錄 㗎。
廣告收益分配
喺中國，游泳同籃球、足球及乒乓球等職業化 嘅運動項目唔同，游泳同跳水一樣，比賽訓練費用都係國家負擔，所以在役運動員 嘅商業活動都要中心統一管理。以孫楊為例﹕若要進行商業活動，就必須得管理中心批准，而廣告收益亦由管理中心接收：孫楊本人分 1/3、管理中心分 1/3、剩下 嘅 1/3就作為大賽運動員獎勵。
孫楊得金後第一個廣告，就係 acer。
可口可樂已定下為孫楊拍攝新一輯廣告大計。
娛圈有緣
世界小姐張梓林似乎對奧運會金牌選手情有獨鍾，先係同劉翔有緋聞，咁嚟緊孫楊會唔會……？
孫楊不但成廣告商搶手貨，更成為娛樂商嘅獵物。睇嚟，喺未來幾年，孫楊真係「錢」景光明。 
今年初一個時裝活動，孫楊同女星孫寧拖手出席。
早前孫楊同謀女郎周冬雨為雜誌拍攝寫真。一高一矮，相映成趣。
奧運情侶對對碰
人紅自不然多新聞，孫楊興高采烈衣錦回鄉之日，突然殺出一個嫩模女友。不過似乎冇乜人關心，事關人人都將佢同葉詩文拉埋，做一對真正 嘅「金童玉女」。
孫楊就話「葉詩文先得 16歲，仲好細，等五年之後再講。」態度曖昧。
雖然孫楊同葉詩文暫時冇料到，不過今次倫奧又的確有真正金牌情侶曝 咗光喎。
孫楊葉詩文 金童玉女
孫楊同葉詩文返抵杭州家鄉時，一馬當先嘅孫楊神采飛揚，隨後嘅葉詩文則怕醜到以花遮面。於是俾抵死傳媒笑佢哋似度完蜜月喎。
喺倫敦咁多日，早午晚幾餐，葉詩文都係孫楊嘅飯友。
張楠蕓蕾 混出姐弟戀
中國羽毛球員興姐弟戀？林丹及謝杏芳之後，又有一對「羽壇情侶」，就係今屆倫奧獲得羽毛球男女混雙金牌， 22歲嘅張楠同 26歲嘅趙蕓蕾。佢哋係 2010年開始組合，兩人感情發展迅速。
何姿秦凱 愛的抱抱
秦凱 3米板失金痛哭，何姿即趨前抱抱安慰，秦、何之戀曝光。事實上兩人戀情早喺舊年半公開，隊友間通晒天啦。
分手亦是朋友
曾經被譽為「乒壇金童玉女」嘅張繼科同劉詩雯，因壓力太大，卒之喺舊年分手。
吊環王子陳一冰同體操公主何雯麗亦係被睇好嘅一對，可惜亦喺 2011年 11月分手。雖然分手，不過依然係好朋友。
摘金有價
每個金牌運動員都會得到所屬家鄉政府或商業機構送出獎品作獎勵。
今屆倫奧第一金——女子十米氣步槍 嘅易斯玲，獲得一架價值人民幣 75萬 嘅豪華房車，還獲得一些商業機構送出獎金作獎勵。
葉詩文則獲得杭州地產商送贈位於杭州城西翡翠城一個價值 300萬、 1,500呎 嘅別墅，跟孫楊係隔籬鄰舍，以及獎金 50萬。其餘每個金牌運動員都可獲得 50萬獎金。 
留言列表
