上流滙
浮誇達人
雷禮權 黐發達毛
雷禮權除了用筲箕裝成大肚腩，還黐上兩粒有「發達毛」的大癦，加上一身朱義盛，造型抵死！他笑說：「粒癦一向都有 㗎啦！為 咗今晚派對，我特登留番條毛出 嚟！我係五世祖，唔係二世祖，成世人最鍾意呢個造型。」
雷禮權和利蘊珍結婚多年，一向鍾意扮鬼扮馬。呢個 look，罕見！
雷禮權珠光寶氣，頸、手、十隻手指都戴滿首飾，名錶亦鑲滿石。「梗係假 㗎啦！如果全部真 嘅起碼值幾億！」
雷禮權於晚宴上又唱又跳，換足 7個 Look，當中包括凸務之王、心口有毛的 Tom Jones等。「每次上菜都換一個 Look，好忙，當減肥。」
心口生毛
懷舊凸務
抵死菜單
做戲做全套，當晚連菜名都改晒，當中一味原隻鮑魚燴花菇叫「大姑媽用口開罐頭」，問你死未！
怪誕家族
何猷君 強國本色
賭王四房二仔何猷君，一身鮮紅西裝襯藍色衫，加埋副超，成個謝老四咁款。「大陸人鍾意 着名牌，唔剪牌俾人睇。我成世人第一次 着咁誇，落車都怕俾人笑。」連身旁的四太都忍唔住話︰「你睇下你幾老土 吖！」
為了配合主題，猷君仲摷埋賭王同四太的首飾。「媽咪叫我戴玉鐲，但我搵唔到，最後揀 咗呢隻金 嘅玉戒指。」
猷君除了保留西裝（ TOPMAN）的價錢牌，更刻意改牌子同價錢，將平貨變成貴嘢。
雷兆光 十両金
李桂蘭 搽黑塊面
負責策劃生日派對的名媛李桂蘭(Olivia)，穿上 VERSUS短裙、化深色妝，以「菲律賓小姐」造型示人。「我呢 啲朱義盛，喺利源東西街買。」
周國豐伉儷 晒牌子
周國豐拖實老婆黃泳霖到場，一個巨型金錢吊牌超養眼，不過太太的 D&G心口亦唔弱。黃泳霖說︰「我 哋扮大陸人，將牌子放晒出 嚟，攝埋衫最娘。」 s
醉街派對
浮誇點止雷禮權，同一晚，楊其龍於 Dragon-i搞「 Pink Party」賀 45歲生日，性感噴火女郎滿場飛。不少賓客打定底，醉住到場！但論搶鏡指數，當然唔夠浮誇達人撼。
楊其龍淡定
凌晨 1點，主人家楊其龍淡定護送老竇楊受成離開，二人攬一輪先走人，楊受成仲順勢催婚，「希望佢快 啲結婚生仔！」
林心兒 醉住跑
林建岳二女林心兒，拖住個 friend一齊蒲，當她見到記者，即時發慌，擘髀跨欄衝入場。
葉童 唔交戲
飲到紅卜卜的葉童，被老公陳國熹捉實晒恩愛。不過她唔多配合，左搖右擺，面都 燶晒！ 
楊其龍專程安排兩位穿上內衣的鬼妹迎賓，二人更在場內表演噴火，火辣到極！ 
留言列表
