揞名爆
「米兒」粗口最「強」
人不可貌相，真係一句至理名言！尤其喺娛樂圈，隨手都搵到大把例子，今次就講吓「米兒」。話說佢平日喺公仔箱做斯斯文文嘅角色多，就算扮惡女，都係有教養、智慧型嘅！不過佢真人係點呢？
就咁嘅，話說某日有二五去一間中價餐廳食飯，食客多數係啲中產人士，大家都係輕輕鬆鬆講吓股票傾吓仔女咁。點知二五忽然聽到後面枱有幾個人坐低，仲傳嚟連綿不絕嘅女聲粗口，其頻密程度係每講十個字，當中可以有六、七個字係「助語詞」，人體器官「橫飛」，「豪邁」程度仲勁過碼頭咕喱！二五忍唔住，回頭一望，發現爆粗人竟然係平日走氣質中女路線嘅「米兒」！而呢位做勻兩間電視台嘅女星，完全無理其他食客嘅奇異目光，繼續開懷爆粗兼開餐。
又係嘅，人哋趁住大婆台人才荒，多咗唔少劇拍，仲做到「女二號」㗎嘞，使乜驚吖？佢依家仲揀 job揀訪問嚟做，再搵助手擋駕或孭鑊，覺得自己「貴」咗㖭！ 
全站熱搜
留言列表
