阿姐同黃淑儀喺劇入面飾演一對寃家,兩個由後生鬥到老。

有劇追

《巴不得媽媽》 阿姐、黃淑儀 36年後再惡鬥

2012年08月24日 ~~ 第891期 忽然1周

汪明荃同黃淑儀自 1976年《書劍恩仇錄》後,時隔 36年,兩位阿姐終於又再碰頭,拍攝新劇《巴不得媽媽》。有傳 喺拍《巴》期間,兩位阿姐為對白及造型差 啲吵大鑊,火花處處。兩人當年不和 嘅陳年舊料再度浮面,難怪有人話《巴》部分內容係佢 哋寫照啦。
《巴》劇入面阿姐跟黃淑儀同樣係女明星出身,但為爭做一姐演變成死對頭,三十多年鬥到九彩。劇內鬥戲、劇外鬥氣。




李司棋同黃韻詩喺劇集《山水有相逢》( 1980年)入面,飾演電影圈紅人被稱為「雙妹嘜」。可惜名利之爭令兩人結下仇怨。


飾演汪、 黄恩師嘅馮恨晚(鍾景輝),三十多年嚟一直為兩阿姐 line up,可惜徒勞無功。

有傳阿姐同黃淑儀拍《書劍恩仇錄》時,阿姐唔覺意用劍刺傷黃淑儀眼角,搞到對方差 啲毀容,怨恨由此而生。
事隔 36年,兩人喺拍《巴》劇期間又傳為對白、為造型結怨。當事人當然同聲否認,汪阿姐講﹕「兩個都年過六張,仲有咩好爭?」而黃淑儀就話為 咗可以再拍阿姐,所以請王維基食 咗個超級大 嘅檸檬 㖭。兩位阿姐否認不和 嘅口供雖唔一致,但都算夾喎,果然人老精。老戲骨就係老戲骨。
今次《巴》劇由汪阿姐、黃淑儀、鍾景輝帶住錢嘉樂、黃智雯、岑麗香以及羅仲謙合作演出,配搭絕對新鮮。而一向要求甚高 嘅汪阿姐,除 咗話同黃淑儀合作好 happy外,更開口大讚新人岑麗香唔錯㖭﹗


1976年嘅《書劍恩仇錄》除阿姐、黃淑儀外,仲有李司棋、高妙思(右二)及余安安(右一),都係無綫當時當家花旦,而阿姐跟黃傳不和亦由拍《書》而起。


投資有道嘅商映紅(汪明荃),已成為城中富婆,經常出席上流社會場合。


繆星河(黃淑儀)因車禍受傷息影,後嫁俾裝修公司老闆莊謹修(李成昌飾),生活低調而平凡。


一個係外母、一個係阿媽,夾喺兩個巴辣阿媽中間嘅莊家朗(錢嘉樂飾),大嘆左右做人難。

辣媽大鬥法


話時話,覺得汪阿姐跟黃淑儀 喺《巴》 嘅角色,跟李司棋、黃韻詩 嘅《山水有相逢》有啲類似。《巴》入面汪阿姐飾演息影紅星商映紅,跟黃淑儀飾演 嘅繆星河,都係跟師傅鍾景輝(馮恨晚)學藝,即係同門師姊妹。兩人為爭一日之長短而決裂。不過最搞笑係呢兩個寃家竟然係親家,黃淑儀個仔錢嘉樂(莊家朗)係阿姐 嘅女婿。但阿姐個女因難產死 咗,阿姐對黃一家更係恨之入骨。
另方面,電視台女記者岑麗香(香乃馨)對錢有意,阿媽黃淑儀就勸錢再娶,阿姐恨上加恨,不斷搞破壞。好衰唔衰自己個仔羅仲謙(翟有聲)又鍾意咗黃做裝修師傅 嘅外甥女黃智雯(夔懿曦),舊恨加新仇,阿姐跟黃淑儀展開連場惡鬥。


電視台新聞記者香乃馨(岑麗香飾),喺一次採訪中對另一電視台攝影師莊家朗(錢嘉樂)生好感。


映紅對細仔有聲(羅仲謙飾)跟星河外甥女懿曦(黃智雯飾)戀愛感到憤怒,不時出術搞破壞。




播映日期﹕ 8月 27號起周一至周五晚 9:30pm 翡翠及高清翡翠台

撰文:姜培綺

arrow
arrow
    全站熱搜

    tvb4life 發表在 痞客邦 留言(0) 人氣()