港姐共用唇膏齊爆瘡 
陳潔玲生了唇瘡，令她甚煩惱。 
瘦了的朱千雪笑言自信返埋嚟。
2012香港小姐後日在將軍澳電視廣播城舉行，昨日十位候選佳麗在銅鑼灣出席記者會，當晚擔任表演嘉賓的魔術師 Cyril都有出席。身為司儀的崔建邦早前與陳潔玲傳緋聞，昨日兩人例牌否認之餘，男方更拒絕合照。見陳潔玲生了唇瘡，她坦言因眾佳麗共用公司的唇膏，更指曾明俐同樣生唇瘡，故公司已立令佳麗用回自己的化妝品。
朱千雪的身形改變就最大，足足減了12磅，她說：「瘦咗之後信心都返咗嚟，着衫都靚咗，如果瘦咗都唔覺得自己靚咗就好失敗。」她直言三圍都有縮水，但未有真正量度，幸好沒需要更換內衣褲。
採訪：王崇穎
攝影：黃文偉
港姐爆唇瘡病毒陳潔玲曾明俐中招
將於周日晚假將軍澳電視城舉行的《2012香港小姐競選決賽》，準港姐陳潔玲昨出席記者會時下唇爆唇瘡，她懷疑是公司的化妝品不潔，加上唇彩是佳麗共用的，容易造成交叉感染，另一佳麗曾明俐早前也中招生瘡。
曾明俐（左）唇瘡已愈，輪到陳潔玲爆唇瘡，在下唇位置有礙觀瞻。
十位準港姐昨日與表演嘉賓著名魔術師Cyril Takayama出席記者會，現場所見以瘦身十二磅的朱千雪狀態最勇，有力挑戰三甲；熱門湯洛雯則現疲態跌Watt出現大眼袋；陳潔玲則生了唇瘡，實在有礙觀瞻。
對崔建邦冇feel
陳潔玲受訪時大爆公司化妝品不潔，她說：「可能係啲化妝品唔乾淨，因為唇彩係大家share用，加上呢排唔夠瞓抵抗力差，曾明俐都生唇瘡，所以公司之後都要求我哋用番自己嘅唇膏。」曾明俐則指唇瘡已經痊愈，她透露在外地的男友不會親臨現場打氣，但會不斷透過電話為她打氣。
朱千雪瘦身後信心大增。
張名雅（左）與張鈞美決戰在即，談笑用兵。
湯洛雯（右起）、林泳淘與魔術師Cyril Takayama好好傾。
此外，陳潔玲近期與崔建邦傳緋聞，她則斷言與崔建邦沒有feel，陳潔玲說：「佢對個個女仔都好好，會提點我哋注意懶音，佢係出色嘅司儀，但唔係我嘅對象。」崔建邦則謂：「唔係事實唔回應，簡直係天方夜譚。」崔建邦又讚朱千雪和岑杏賢口才大有進步。
朱千雪絕食瘦身
愈瘦愈靚的朱千雪笑謂決賽前會「絕食」修身，性格坦率的她說：「瘦身後信心當然增加咗，自己都覺得靚咗。」問到瘦身後上圍可有縮水？她說：「尺碼自己就冇度，應該都有少少，但又唔使話換晒啲內衣。」相反湯洛雯則因是熱門人馬而感到壓力，她說：「自己覺得狀態麻麻，呢排平均瞓六個鐘，眼袋好大。」問到湯洛雯可因共用化妝品生唇瘡？她說：「我又冇，可能係唔夠瞓抵抗力差。」
港姐大起底
爆料熱線：3600 1022
爆料傳真：3600 1000
爆料email： entertainment@opg.com.hk
採訪：影視組
單純疱疹隨時復發
家庭醫生關嘉美表示患上唇瘡，醫學上名稱為「單純疱疹」，會經病毒、口水和眼淚傳染入侵破損傷口或皮膚，她說：「如果生過一次嘅話，就會成為一世帶病毒者。當有感冒、壓力大、唔夠瞓嘅時候，就會有機會復發。如果共用化妝品嘅話，有機會感染唇瘡，仲會有紅眼症、暗瘡同埋眼瘡等等病症。」問到會否因共用化妝品感染愛滋病？她說：「好少機會感染到嘅。」
候選港姐陳潔玲爆唇瘡，她懷疑是大會提供的共用化妝品不潔，令人質疑共用化妝品是否合衞生？三位前港姐陳庭欣、張秀文和王君馨卻表示參選時的化妝品符合衞生。
陳庭欣：參選時咁多佳麗，share化妝品就一定會，其實化妝師化完一個妝都會清潔啲工具，可能佢皮膚易敏感，咁就要自備粉底，同埋自己塗唇膏。
張秀文：可能係決賽前綵排辛苦，免疫力差咗容易細菌感染，大會化妝衞生做得好好。可能係唔夠瞓啫，我哋嗰屆冇呢啲事發生。
王君馨：咁多佳麗化妝品一定係共用，公司化妝品衞生ＯＫ嘅，不過，如果你係敏感皮膚，就要自備化妝用品。
港姐爆發疱疹恐慌！大熱佳麗陳潔玲與曾明俐疑因共用唇彩而雙雙「爛嘴」生唇瘡，趕不及痊愈的陳潔玲，後日極有可能「爛住嘴」與另一大熱門湯洛雯爭冠軍，認真輸蝕！
應屆《香港小姐競選決賽》將於後日舉行，10位候選佳麗昨日身穿便服出席記者會，一直被視為大熱的「瘡版陳妍希」陳潔玲竟於賽前「爛嘴」，下唇驚現疱疹徵狀！她踢爆無綫化妝品不乾淨所致：「最近忙綵排，加上唔夠瞓，所以抵抗力變差，可能因為啲化妝品唔乾淨，又要同其他佳麗Share，所以先搞成咁！曾明俐都有生唇瘡！公司之後落Order，要用番自己嘅唇彩！」其實歷屆港姐向來習慣共用化妝品，惟今年爆發交叉感染，造成疱疹恐慌！陳潔玲無奈要以一張「爛嘴」力撼同是大熱的湯洛雯及張名雅的「靚嘴」，確是輸蝕！
至於被爆生唇瘡的曾明俐昨日回復「靚嘴」，她說：「好番晒啦！之前喺錄影廠冷氣好凍，所以有啲『爆坼』啫！（狀態如何？）有信心，但都有啲緊張！（比賽當日男友到場？）男朋友唔會由外國返嚟，但每日都有講電話，佢好支持我！（送禮物畀你？）冇諗到咁長遠，最緊要有心，總之平常心啦！一步一步嚟，唔想畀自己太大壓力！」她在早前舉行的淘汰賽中表現不俗，成為大熱之一，問到會否視成功收身的朱千雪為重大威脅，她說：「唔會咁諗，每位佳麗都有佢哋嘅特質，邊個攞冠軍都有佢嘅原因！」
雖然陳潔玲被疱疹搞到花容「失色」，卻無損桃花運，有指崔建邦向她展開追求攻勢！問到崔建邦是否照顧有加，她即「落閘」指對方並非她那杯茶：「佢對個個都好好，有啲佳麗喺外國返嚟，佢都會教佢哋唔好講懶音！（對佢有Feel？）冇Feel！佢係個出色嘅主持，但唔係我鍾意嘅類型！」而擔任司儀的崔建邦亦指緋聞是「天方夜譚」，並耍手擰頭拒絕與陳潔玲合照。問到睇好哪位佳麗，他以一貫官腔表示「個個都好」，只說：「朱千雪、岑杏賢同李渼琦嘅口才都進步咗好多！」
第一手消息請下載on.cc東方互動iPhone/iPad/Android Apps
「爛嘴孖妹」陳潔玲與曾明俐交叉感染疱疹，同病相憐！
一直被視為大熱門的陳潔玲，賽前疑被曾明俐「帶挈」突然「爛嘴」，勝算大打折扣！
曾明俐
（左起）陳潔玲、張名雅、張鈞美、朱千雪、林泳淘、李渼琦、岑杏賢、湯洛雯、曾明俐、黃心穎
再受重用的崔建邦（左），有陳百祥傍實格外淡定。
單純疱疹口水傳染
家庭醫生關嘉美指出，唇瘡在醫學上的名稱是「單純疱疹」，會經病毒、口水及眼淚傳染，入侵破損皮膚或傷口：「如果共用化妝品，有機會引致唇瘡，仲可能有紅眼症、暗瘡同眼瘡！」她表示曾生唇瘡的人會因感冒、壓力大、睡眠不足而舊病復發，但共用化妝品極少機會傳染愛滋病。
關嘉美
朱千雪絕食搶后冠
參賽至今共踢走12磅的朱千雪狀態大勇，有力問鼎三甲！她笑言決賽前會「絕食」，並說：「瘦身後信心增加咗，自己都覺得靚咗！」問到上圍有否縮水，她說：「應該都有少少，但唔使換過晒啲內衣。」
由121磅減至109磅的朱千雪，比初期的「凸肚」Look索了不少。
大熱佳麗湯洛雯昨日驚現大眼袋，她坦言壓力大：「狀態麻麻，呢排平均瞓6個鐘！」問到有否因共用化妝品而生唇瘡，她說：「冇，可能大家唔夠瞓抵抗力差，應該好快好。」其父湯鎮宗因工作關係未能親臨決賽支持，但不時傳短訊為她打氣。
湯洛雯
今年是港姐40周年，無綫為隆重其事，首度在將軍澳電視城動用3個錄影廠直播節目，並將一廠設計成360度大型舞台，讓佳麗穿上著名設計師鄭兆良的晚裝登場。除邀得魔術大師Cyril Takayama表演大型魔術外，無綫還動員大批小生及花旦考佳麗口才，包括林峯、胡杏兒、黎耀祥及陳茵媺等，而Cyril昨日亦有出席記者會，但卻大賣關子，拒透露表演詳情。
Cyril 的大型魔術表演是應屆港姐的一大亮點。
陳潔玲疑因共用大會的化妝品而與日前爆唇瘡的曾明俐交叉感染，師姐陳庭欣、張秀文及王君馨卻力撐共用化妝品不存在衞生問題，2010年港姐冠軍陳庭欣說：「Share化妝品一定會，可能佢皮膚易敏感，咁就要自備粉底同埋自己塗唇膏。」同屆亞軍張秀文則認為佳麗忙於綵排致體力透支，影響免疫力才會「中招」：「大會化妝品衞生做得好好，經常清潔，可能佢唔夠瞓啫！」而2007年港姐亞軍王君馨亦指公司的化妝品衞生OK：「如果係敏感皮膚就要自備化妝品，化妝師好歡迎！」
陳庭欣（右）與王君馨寄語皮膚敏感的佳麗自備化妝品。（資料圖片）
與港姐同樣以「真人騷」方式玩殘佳麗的亞洲小姐將於年底舉行，亞姐馮雪冰、姚嘉雯及韓燕等，昨日聯同亞洲先生林睿等到淺水灣為亞姐及亞生進行招募。多位亞洲先生甫到場即脫去上衣，令姚嘉雯一臉尷尬，而韓燕則認為男生不應有大肚腩：「但胸肌太大又好恐怖，今日係嚟做『身體檢查』！」至於與名媛薛芷倫傳緋聞的林睿則再度澄清：「大家係好朋友，佢當年係評委，喺公眾場合見到面好正常。（發展中？）搞錯晒！」
韓燕（左）到沙灘宣傳亞洲小姐，非常落力。
韓燕
林紫君落力游說猛男參加亞洲先生。
留言列表
