銅鑼灣 素顏馬詩慧 特訓細仔搭叮叮
今日我至慳
身為名模嘅馬詩慧好識慳家，唔止妝都唔化，就連囝囝都係坐電車出入，自己仲唔上車，慳埋自己份車錢㖭。
前日下午4點幾喺銅鑼灣忽然見到兩個一大一細黑影閃過，睇真啲原來係王敏德老婆馬詩慧拖住細仔喺度跑，睇真啲原來佢哋追緊一架往筲箕灣方向嘅電車，以電車嘅速度兩母子足以應付。馬詩慧送咗囝囝上車之後，就自己一個人行街，呢種培養細路獨立嘅精神，的確值得好多父母借鏡，咪搞到讀大學都仲要陪仔女開學。
乖仔上車 
電眼掃射 
巴士薯嘜 陳嘉桓變身
同日喺銅鑼灣世貿中心入面就見到陳嘉桓同兩個男 fans喺度傾偈，陳嘉桓仲收咗佢哋送嘅禮物。冇耐又見到另外兩男兩女嚟到會合，跟住就行咗去南記粉麪店食嘢。一班人喺店裏面一邊食一邊傾偈，仲傾到嘻哈大笑，期間陳嘉桓仲忍唔住拆禮物，見到佢好雀躍，睇嚟 fans啲禮物都好啱佢心意。餐下午茶足足食咗成粒鐘先見佢哋離開，班 fans一散水嘉桓就戴番副近視眼鏡變番鄰家女孩，一個人行咗去就近嘅巴士站上咗架去天水圍嘅巴士。
採訪、攝影：梁繼光
全站熱搜
留言列表
