TVB娛樂八掛週刊雜誌大分享☆

何思諺鬧爆醫生勸墮胎

年僅21歲的何思諺（Leanne）由陽光妹變成陽光媽，在短短一年間完成結婚生仔兩件人生大事，為記錄與鼓佬老公杜志烜（Tom）的戀愛逸事，以及懷胎十月的辛苦歷程，Leanne邀得好友攝影師Dan為她操刀，拍下相集，記錄過去一年的點點滴滴。

何思諺透露懷孕初期，醫生建議她終止懷孕。

相集下月推出

對於過去一年發生的人與事，Leanne坦言懷孕初期，醫生建議她終止懷孕，她說：「記得嗰陣有咗冇耐，Tom陪我去睇醫生，當時我自己一個入房，醫生就同我講我仲咁細個，體質唔好加上又太瘦，好容易會對BB同媽媽有危險，流產風險仲好高。」雖然醫生極力勸她終止懷孕，但Leanne完全接受不到這個建議，還哭着反駁醫生，堅持要把小生命帶來這個世界，她說：「我當時喊得好犀利，就忍唔住鬧個醫生，因為始終係小生命，我點可以咁唔負責任終止懷孕？無論點我都要生BB落嚟，一切後果我會承擔。走出醫生房後，Tom都好支持我嘅決定。」

Leanne表示相集將於下月推出，她說：「依家BB六個月大，希望佢大個睇到呢本相集，知道爹哋媽咪有幾錫佢。」

何思諺邀好友攝影師替她拍下與老公的戀愛逸事。

何思諺表示希望囝囝長大後能看到她今次推出的相集。（黑白圖片）

唔見結婚戒指

此外，Leanne昨日在微博表示結婚戒指不見了，後來尋回即高呼：「害到很多劇組人員擔心，我差點哭了，我拍劇時會小心。」

文：專案組

何思諺撐過流產高風險

「陽光媽」何思諺（Leanne）為記錄與鼓手老公杜志烜（Tom）的戀情，以及懷胎十月的辛苦，邀得攝影師好友Dan操刀拍相集，留下過去一年的點滴。Leanne坦言最深刻是懷孕初期，醫生建議她終止懷孕：「嗰陣有咗冇耐，醫生話我仲咁細個，體質唔好加上太瘦，流產風險好高。」但她無法接受，並哭着反駁醫生：「我喊得好犀利，始終係小生命嚟，點可以咁唔負責任？無論點我都要生BB出嚟，一切後果我會承擔，Tom都好支持我嘅決定！」

此外，Leanne昨日在微博表示遺失婚戒，尋獲後即自嘲大頭蝦。

挺着巨肚的Leanne留下女人最美一刻。

Leanne與Tom擺出心形手勢，深愛BB。

Leanne非常疼錫囝囝。（黑白圖片）