狂做嘉賓
雖然話暫別香港樂壇，但為怕香港 fans遺忘，側田都密密擔任好友的演唱會嘉賓求曝光，本月曹格的演唱會，兩兄弟更在台上攬頭攬頸。《蘋果日報》圖片
跟大佬
北京食穀種 側田簽番 Paco搏翻生
2年前，側田宣布將移居北京，打算暫別香港樂壇到內地發展，同時離開伯樂 Paco（ 黄柏高）的金牌大風；之後因千關係，側田曾簽約東亞 2年，可惜聲勢不再，索性執包袱到北京「告別」香港樂壇。
不過最近側田又再度活躍，趁住 Paco開新公司，唱片、電影又有路數，加上側田是 Paco一手捧紅，在上月， Paco專程飛到北京為側田慶祝生日，同時游說側田加盟旗下新唱片 label。據知，去年已向韓籍女友求婚的側田，為求生計，已決定重返香港發展，食粥食飯靠晒 Paco！
多次爆出負面新聞、現年 36歲的側田，去年 1月開完 2場紅館演唱會後，意興闌珊離開香港，與拍拖 2年多的韓籍女友定居北京，可惜國內音樂人太多，要搵食絕對不容易，已有一年多未有新歌的側田，除了靠登台、巡迴騷賺錢外，收入掹掹緊。
恩師照住
今年 7月， Paco飛到北京為側田慶祝 36歲生日，成功游說側田加盟；而本月，側田亦開始為新碟進行錄音，不少老友於微博轉發力撐。
返港撈
據側田身邊人透露︰「去到北京頭幾個月，阿田都雄心壯志，不過始終佢喺國內知名度有限，好少人搵佢造歌，反而香港歌手仲有搵佢，好似 Twins搵佢作咗首〈大過天〉，阿田知道香港始終係佢基地，加上喺北京都差唔多使晒啲積蓄，惟有返香港再搏過搵錢啦！」
國內發展麻麻，側田只好靠朋友， 7月為衞蘭演唱會擔任音樂總監，賺吓外快。
’11喊住告別
去年 1月告別演唱會，側田喊住攬實 Paco，之後兩人一直保持聯絡，準備東山再起。《蘋果日報》圖片
新 label一哥
07、 08年，是側田事業的高峰期，單單是演唱會已有 20多個，而且千嬅、基仔又不斷搵側田造歌，估計年賺千萬。「就算唔係咁多負面新聞，當年 Paco離開金牌，側田都會走，當時有人叫佢去北京試吓，但係估唔到咁難撈。千嬅叫佢簽東亞，但連新歌都冇一首，而且 Paco一直都想東山再起，今年亦會搞唱片部，等埋 Fiona（薛凱琪）就可以一齊公布。」
除了側田，已經滿約金牌大風的 RubberBand， Paco亦開始接觸，而且 RubberBand是由雷頌德帶入行， Paco當然想一家親；另外，去年離開金牌大風的方力申，亦會跟隨 Paco歸隊。
愛將歸位
98年， Paco成立金牌經理人有限公司，直至 02年， Paco離開正東唱片擴大金牌娛樂，成功捧紅古巨基，黃金時期旗下歌手還有楊千嬅、鄭中基、梁漢文、方力申和 Cookies等。
今年 1月， Paco正式回復自由身，於新公司太陽娛樂文化東山再起，並擔任 Neway唱片顧問一職。據知 Paco將於年底開設唱片部，兩間公司旗下歌手，不比金牌年代少，而且 Paco正力邀幾位愛將回巢，包括 RubberBand、方力申，就連當年金牌的員工，亦陸續重返 Neway和太陽娛樂。
Stephy再出碟小方跟隊
《壹週刊》圖片
Stephy已簽國內經理人，但仍會計劃出廣東唱片， Paco開唱片部， Stephy大有可能加盟；而未有着落的方力申，亦再次跟隨 Paco打江山。
力捧陳僖儀
Paco將為新人陳僖儀在年尾頒獎禮發功搶獎，為新公司省靚招牌。
薛凱琪加盟
Paco力邀 Fiona加盟，除了電影，唱片亦是 Fiona考慮的因素，新公司開設唱片部，令 Fiona加盟的機會大增。
RubberBand過檔
《蘋果日報》圖片
RubberBand遲遲未跟金牌大風續約，據知大有機會因雷頌德的關係而簽約 Paco。
開曲婉婷 live
Paco愈來愈多搞作，下月為網路人氣歌手曲婉婷在港開騷，門票已爆晒，又賺一筆。
側田韓籍女友唔肯嫁
10年，側田公開有韓籍女友，但其身份一直神秘，據知韓妹叫 Lina，去年由平面模特兒轉型做演員，更簽約陶喆做經理人，現主力在北京拍劇。當日側田到北京發展，已跟身邊朋友透露希望跟 Lina結婚，而且不介意跟女友定居韓國。據知，側田於去年已向 Lina求婚，可惜 Lina希望在娛樂圈發展而一直拖字訣，遲遲唔肯嫁。 𠵱家兩人仲分隔兩地，唔知 keep唔 keep到呢？
側田想成家立室，可惜女友遲遲唔肯嫁，側田重回香港發展，遲吓仲要分隔兩地，側田真係要諗計維繫喎！《壹週刊》圖片
轉型做演員的韓模 Lina，為拍劇學國語，亦開設微博，不時上載靚相。
留言列表
