記者第一時間聯想到收藏舊相會容易招惹靈界，不過 Adrian堅定說：「我從來唔諗呢啲嘢，我只係想延續相嘅價值，所以相中人唔會搵我嘅，哈哈！」
Main Camp
儲 2,000張舊相 直擊樹仁收藏癡摷垃圾
為了收藏心頭好，有人會通宵瞓街排隊，為得至愛各出奇招。
樹仁英文系 Yr. 4的林熙舜（ Adrian），心頭好竟然不是絕版波鞋、量產模型或特別版潮服， 23歲的他，只情有獨鍾 50、 60年代，甚至更舊的黑白影樓照。
他由 Yr. 1開始已儲近 2,000張與相中人毫不相識的照片，但他從不用錢購買，堅持每張相片要在舊樓或垃圾站執回來，將別人眼中的垃圾變成自己的寶。
人哋當垃圾，我視作無價寶！
Adrian會帶珍藏上香港仔舊式影樓，跟老闆求教相中的舊文化，只見他還會邊聽邊抄筆記，超認真。
上週二（ 21日），記者直擊 Adrian入夜獨自到大坑唐樓碰運氣，見他老遠看到街邊盛垃圾的竹籮，就急步上前，純熟地用手翻開籮中垃圾，滿手污水仍仔細尋寶，可惜最後仍食白果，找不到他的「寶」，黑——白——照。
唔係毒男
蘇屋邨執相
身邊同學仔迷絕版波鞋、迷各新出科技潮物之時， 3年前讀 Yr. 1的 Adrian，卻因參加攝影學會而迷上影樓舊照。「 𠵱家隨手拿手機都可以影相，但以前社會窮，一生冇幾次會上影樓影全家福，所以好珍貴，加上一定同最親合照， 𠵱家手機有幾多同家人合照相先？我鍾意以前有情！」
為收集舊相， Adrian好留意新聞，一看到舊區清拆，就出發尋寶。而本刊採訪期間，得知他亦被港台紀錄節目《香港故事》邀請做訪問，可見 Adrian是收藏界新貴。「我近 2,000張收藏有一半係 2010年在蘇屋邨清拆時執到，大部分都鋪滿灰塵，雖然搵到舊相好開心，但更感欷歔，咁有紀念價值都丟！」其他收藏，就在 Adrian平日行街去垃圾站找到，「我會睇，如果突然有大批大件傢俬放在垃圾站，就好大機會有收穫，我會直接同阿姐講想搵舊相，佢哋怕有污糟嘢（靈體），所以見到都好想你快啲攞走！」
將別人的垃圾變成自己收藏品，一定會被視作怪人。「年前我大屋搬細屋，母親反對我再收集舊相，話係垃圾，但我卻視每張係無價寶！每張相都有個不同故事！幸好同學和女友都沒有太抗拒，可能我平時都好少提及，加上只會獨自去執相！」
記者認為 Adrian只要在網上或向朋友呼籲，將舊照捐出給他，相信絕不用汗流浹背流連垃圾房尋寶， Adrian就解釋：「希望將人哋視為垃圾冇用嘅舊相，變成我嘅收藏，我唔會問人哋攞，因為唔想冇咗摷垃圾尋寶嘅樂趣！」
舊相怕光
Adrian不時會拿珍藏出來回味一番，為方便查閱，他用保鮮袋分好類，再用深色袋入好，「舊相怕光，如果成日曝光，好快會褪色，所以平日入好袋，我就會放入盒好好保存！」 
其他後生仔女愛行街 shopping， Adrian就愛上影樓找老攝影師吹水，分享攝影心得，最近他成功向上水一間影樓收購了兩台木製古董照相機，市價約值十多萬元，他以友情價收得，幾多錢點他不願透露，怕其他人會仿傚圖利。
儲埋菲林機
舊機場必影
大角咀垃圾站執
以前出國好風光，所以送機接機都會影相留念， Adrian說：「以前有親人去外國，全家定會送機，佢哋會指定在機場外停車場及瞭望台影，好搞笑，見到旗杆就知去咗機場！」
背景畫藏玄機
深水埗街頭執
Adrian細心將收藏分類，在影樓合家照中發現，不同地區的影樓，可以從合家照背景畫分辨出，「如果背景畫係亭台樓閣，中國味重，一般會係新界區影樓作品，因為當時好多客家人嚟，佢哋想家鄉，所以影樓就畫成咁，有親切感好多。」
上門搵相中人
尖沙咀唐樓樓下執
Adrian不單收藏舊照，甚至會上門找相中人，他說：「我在收藏品中，發現一本寫上『大東 黄』名字相集，之後就跟影樓證件相袋寫上對方地址登門拜訪，結果發現對方是前大東電報局的員工，因患重病，太太不想睇相感觸而當垃圾丟去，我知道都好傷感！」
知專有錢女
開童話書圖書館
樹仁友鍾情儲舊相，知專時裝設計系剛畢業的張厚耀（ Sue）就獨愛童話故事書。「父母因為要做生意，每日好夜先返屋企，細個最開心就係等媽媽返嚟講故事畀我聽，平時見唔到佢哋，攞住本故事書就會覺得好似父母陪住我咁，所以由細到大就鍾意儲童話故事書。」
平時去旅行，她都會四出找舊書店刮故事書，至今已有百多本，其中有部分超過百年，最近她在中環開樓上私人圖書館，免費同大眾分享故事書但就唔賣，希望人人像童話故事般純潔。
由於 Sue的樓上鋪是自家物業，相若單位約租$22,000，不用畀租，難怪唔愁店鋪收入。
Sue最喜歡法國著名動畫《 Becassine》出版的同名書，「雖然這書不是童話，去法國旅行時買，但因是 1905年出，相信世界只得一本，都好珍貴。」
100本齋睇唔賣
Sue的樓上鋪位於中環荷里活道，面積約 400呎，除了免費供大眾睇童話故事，亦有不少本地畫家作品出售，不少客人上門見到童話書都想買，不過她卻堅持只供免費閱讀，不做生意。 
留言列表
