姐仔爭幫手
吉時到，要切燒豬拜神喇！唐詩詠同 Toby即時女工上身，幫手鋪紅紙又點香燭，唔知仲以為佢 哋有股份。
媽咪姐
林子善有女人緣
食娛樂圈呢行飯，有女人埋身，既可靠緋聞增加知名度，就連開舖頭搞生意，亦可靠女人搞旺個場！有辦你睇，上星期六（ 25日）林子善 喺大坑開茶餐廳，唔止三哥苗僑偉拖住三嫂撐場，仲有馬國明同埋一大班藝人，星光熠熠。
子善人緣好，女人緣亦唔弱，除咗請到陳法蓉、童愛玲、楊盼盼呢班估唔到同佢咁 friend嘅前輩女星外，仲有無 綫新女神苟芸慧、姐仔唐詩詠同 Toby㖭！有咁多靚女明星睇，自然吸引途人圍觀，現場插針都插唔入。咁旺場，都係多得班女咋！
林子善個黑妹女友亦好識做，同唐詩詠握握手，多謝佢撐場。
苟姑娘一早到場幫手， 啱 啱收工 嘅佢連 喼都拖埋 嚟，真係夠晒朋友。
三哥同三嫂當子善如親子姪，呢日唔止人到花到，仲 喺茶餐廳內打躉，同馬國明吹水。
全站熱搜
留言列表
