陳宛蔚自認騰雞 無膽上床逞胸
監製錢國偉另一半陳宛蔚（Calinda）早前離開無綫，轉投城市電訊拍劇及拍電影，問到會否接受拍攝情慾戲？她即耍手擰頭，自封「騰雞瑛」冇膽量，笑言較想做拳腳女星，多於拍攝床上動作。
出身自天使妹的監製錢國偉（Wilson）緋聞女友陳宛蔚（Calinda），最近簽約新經理人公司，密謀更佳的發展機會：「多咗主持機會，亦會到城市電訊拍警匪劇，新經理人亦教我好多嘢，不時同我檢討，唔會好似以前咁盲舂舂。」對於要離開TVB，她坦言不捨得，但無奈TVB多着重「親生仔女」，令她局限了發揮機會：「TVB係我第一份工，所以好唔捨得，我喺呢個木人巷學到唔少嘢，依家有機會出去闖一闖，好多前輩都支持我。」
爆粗牙尖嘴利
早前Calinda參演Wilson電影《喜愛夜蒲2》，飾演女主角連詩雅的富家女朋友，為演得更加神似，她自掏腰包上網訂購英國及美國的靚衫及首飾，即使倒貼也不介意：「最緊要出嚟效果好，而且兩集我都有份演，畀到我發揮機會，上集我演惡霸，第一次爆粗鬧人，今次就比較牙尖嘴利，成個八婆仔咁。」
Calinda感謝TVB給她磨練的機會。
Calinda自認「騰雞」，對床戲耍手擰頭。
雖然外表活潑外向，但原來Calinda並非想像中大膽，提到《喜》片內不少演員均有出位情慾戲，她直言身材不夠好，亦不夠膽量倣效：「我個樣好似好淡定咁，但其實我係『騰雞瑛』，冇乜膽o架咋！我反而想靠拳頭做動作女星，唔係床上嗰種。」問到是否Wilson不允許？她笑說：「唔知呀！要問番佢，但佢清楚我性格，知我未必做到。」
放大圖片
放大圖片
港姐出身的Calinda擁有一雙修長靚腿。
Profile
陳宛蔚（Calinda）
身高：1.65米
體重：45公斤
三圍：32B、23、35
簡歷：參選2007年香港小姐，落選後被睇中擔任節目《味分高下》中的天使妹「雜果賓治」，曾參與不少劇集及主持工作，最近離開無綫簽約新經理人公司。
文：立影
攝：劉智源
場地：Roxy
留言列表
