《盜賊門》講述由全智賢及金秀炫等人組成的盜賊集團，在韓國、澳門及香港的奪寶過程。表面上團隊目標一致，但其實各懷鬼胎！影壇新貴金秀炫和全智賢更有一段姐弟戀。
亞熱帶
金秀炫色戰全智賢
谷肌誘女
全智賢偷金秀炫，不過炫仔扮唔知，繼續喺自己暗戀 嘅全智賢面前賣弄 body。
㩒住嚟咀
金秀炫知全智賢睇到㷫烚烚，於是忽然去到全智賢面前，捉住佢 嚟咀。呢一幕 NG咗十幾次，炫仔真係寓工作於娛樂。
獻身同志
除了要獻出銀幕初吻，金秀炫仲要色誘男同志！呢場戲原本由全智賢色誘酒店男經理以奪取鑰卡，點知經理原來係攣 嘅，搞到金秀炫要當住全智賢面前被經理強吻。 
8月 18日，金秀炫孭住第一千萬個觀眾入場。
07年出道的金秀炫， 09年演出《聖誕節會下雪嗎》開始為人熟識，之後再拍《 Dream High》及《擁抱太陽的月亮》而爆紅。苦等幾年，金秀炫深知上位不易，難得在有「韓版盜海豪情」之稱的《盜賊門》，拍住全智賢、李政宰等韓國巨星進軍國際，自然肉緊。飾演賭壇初哥的金秀炫，雖然戲內戲外都係新仔，不過他勝在夠搏，電影中男女都照咀，成為全片焦點。
金秀炫在《盜賊門》上映前講過：「如果入場人次突破 1000萬，我就孭住第 1000萬名觀眾去睇《盜賊門》！」早前《盜賊門》在韓國衝破千萬人次，金秀炫守承諾孭觀眾入場，再一次搶到鏡。話說回來，金秀炫一向都係以 fans為先，早前他在代言品牌的新店搞簽名會，一次過同逾千 fans握手加簽名，全程笑晒。 24歲靚仔，果然有計。 
任達華都有份演其中一名大賊，更要咀身邊呢位好似阿姑嘅韓國影后金海淑，真係辛苦晒！
近日金秀炫接連成為 90後票選韓國視帝、「第 39屆韓國放送大賞」最佳演員獎及最受歡迎年輕男星，聲勢一時無兩。金秀炫勝在冇囂，只係話：「多謝大家支持，我會盡能力回報 fans，繼續將最好一面呈現俾大家。」答得既感恩，亦有自信，夠晒世界仔。
現時金秀炫正忙於拍改編漫畫的新片《偷偷的，偉大的》，片中他飾演一名北韓特務，為了進入首爾進行破壞而扮做智障人士。可是他任務完成之後卻被國家拋棄，金秀炫擺明又向 fans催淚。
全智賢行性感
全智賢今年結婚，婚後有老公管，性感、動作場面買少見少。難得她在《盜賊門》賣小包， fans點都要睇啦。
為了完成任務，全智賢 chok姣樣、騷 bra、露大髀，實行為份工犧牲色相。
全智賢化身「七彩蝦條姐姐」，仲要煙不離手，呢個造型對佢 嚟講，都算相當突破。
為了逃離酒店現場，被特工隊伍圍捕的全智賢，只好扮成沖緊涼 嘅酒店住客，成功在混亂中鬆人。
留言列表
