32歲樂基兒明顯不受婚變傳聞影響心情，近日各地工作不斷，上週四（ 20日）出席酒店活動時更是心情靚靚自爆開餐廳。
真面目
相愛很難 傳小產鬧離婚 樂基兒孖舊愛開餐廳 黎明冇面
05年相戀， 08年結婚，黎明與樂基兒（ Gaile）的婚姻生活踏進第三年已傳出亮紅燈，去年 9月有報道 Gaile搬離上水愛巢，她對分居傳聞亦爽直說：「 Maybe!」婚變消息今個月傳得更熱。
被傳離婚，黎天王保持緘默期待有彎轉，天王嫂就選擇周遊列國，對老公送樓送船送錢無動於衷。最令黎明冇面的，莫過於 嗰頭叫老公辭去聯名公司，呢頭就同訂過婚嘅舊愛 Ray Ng（吳繩芬）合資開墨西哥餐廳進軍飲食界！又話唔使老公做掛名董事係為獨立 嘅？
年齡相差 14年，一個 born in Beijing，一個就係竹昇妹，天王黎明同模特兒樂基兒 7年前撻着已經不獲睇好，想不到難能可貴修成正果的二人，結婚四年又傳出婚變。
播種失敗
據知讓黎基關係破裂的導火線，是樂基兒年初愛蒲爛玩，更傳出小產之說。據悉婚後黎明修心養性，但年幼 14年的樂基兒就依舊貪玩，兩公婆協議造人以挽回感情拉近隔膜，去年底 Gaile被拍到肚凸凸又買加鈣牛奶安胎，黎明被問到回應更難掩歡喜：「你 哋乖唔好問，有嘅話話畀大家知，總之中國習俗，未夠三個月唔講得！」呼之欲出。
想不到冇耐傳出 Gaile小產消息，據知情人士透露，因為鬼妹仔性格嘅 Gaile不肯深閨致「詐糊」，婚姻關係因此再受打擊。黎明事後雖然愛基心切全力箍煲，樂基兒卻因此深信與黎明性格不合，今年七月再傳離婚。
03年訂婚
未同黎明結婚， Gaile情史多籮籮。 03年 7月與 Volar老闆之一、模特兒公司老闆吳承浚 Ray Ng拍拖，同年 12月更傳出訂婚消息，翌年分手。《蘋果日報》圖片
樂基兒自爆同朋友喺中環開咗一間墨西哥餐廳，而該餐廳「 Socialita」的公司註冊為 Billion Best Investment Limited，其中一個董事係 Gaile舊愛吳繩芬（前名吳承浚， Ray Ng），反而冇 Gaile名，但侍應（圓圖）就不知道老闆誰屬。
11年 12月最後合照
從七月傳出婚變消息至今，黎明夫妻都沒有像往常一樣扮恩愛避謠，而二人上一次一齊露面，已經是去年 12月的黎明演唱會後台。
12年 1月發福返港
今年新年前後， Gaile一度傳出有孕，身形發福又肚凸嘅佢由美返港。《蘋果日報》圖片
獨立宣言
黎明更被發現請辭二人名下公司董事，樂基兒美其名解畫話：「間公司係我嘅，當時 Leon只係幫我開始， 𠵱家畀番我 handle，佢放手係好事……」聽落似係大個女要獨立，其實上週四（ 20日） Gaile自爆新開嘅墨西哥餐廳，本刊發現公司董事驚見 04年曾與 Gaile爆過婚訊的舊愛兼夜店 Volar老闆吳繩芬（前名吳承浚， Ray Ng）大名， Gaile名字就不在董事名單。本刊致電 Ray Ng，其秘書一直以他開會為由待覆，而黎明經理人陳善之則話：「冇回應，我 𠵱家喺泰國拍緊嘢， bye bye！」
20日（上週四），樂基兒對記者表示：「（有冇搬離愛巢？）遲 啲大家會睇到。」活動完後，卻坐車（紅圈）返回上水大宅。
冇得分一半身家
08年 3月 9日，黎明與樂基兒在美國拉斯維加斯秘密結婚。黃國桐律師表示，美國婚姻法不同香港，並非離婚後父妻財產對分：「美國結婚係睇有冇簽婚前協議，搞離婚 喺香港就搞得，冇得分一半身家。」
自由露股罅
傳出婚變後，不見樂基兒留港陪夫，反而工作量增加，台灣、美國周圍飛，更無懼性感現身。
可惜 80年出世的樂基兒蒲癮難戒，還時常被拍到撇甩老公夜蒲，更傳出小產令婚姻現裂痕。《忽然 1周》圖片
友誼小姐
32歲的樂基兒，澳門出生、美國長大， 14歲已經被發掘做模特兒，一早晉升本港超模，而且緋聞多多相識滿天下，即使與黎明結婚後依然屢次被拍到夜蒲親熱照。今次飛起老公開店風波，本來有傳聞是與多次被拍到與 Gaile玩埋一堆、傳過緋聞的男模密友 Drafus（下圖）拍檔，但真正餐廳董事吳承浚（上圖）亦是 04年曾與 Gaile訂婚的舊愛，睇 嚟除 咗同夫婿黎明保持距離， Gaile同大多 ex都關係友好，再見不只是朋友。
未婚夫 Ray Ng
男模 Drafus Chow《忽然 1周》圖片
留言列表
