Web Spy
杜汶澤被插唔愛國
內地近日多個城市都有反日示威，暴民乘機燒車搗亂趁火打劫，似搞事多過保衞釣魚台。強國人乜都做得出，身在泰國拍戲、一向敢言 嘅杜汶澤亦趁機踩多腳。日前阿澤喺 Instagram有感而發，話泰國提供畀演員 嘅休息室又大又舒服，反而資金充足 嘅強國就冇為演員着想，臨尾仲要加多句「看來內地商家對於『勞動人民是創造社會財富的主體』這個概念，已經不知道掉到哪裏去！」此話一出，即惹起強國同胞怒插，鬧佢忘本、唔愛國！
唔通拍 咗咁多年戲都冇資格評論吓各地 嘅演員福利咩，唔怪得阿澤決定永久放棄惹火嘅微博啦，估唔到轉戰 Instagram都一樣當災！
講句嘢都被人圍插，搞到阿澤忍唔住反擊，「看來 Instagram和微博一樣，都充斥着文盲及鄉下佬」！
休息車有冷氣有梳化，仲有雪櫃花灑，確係比內地設備齊全。
去到泰國，阿澤趁唔使開工歎番個泰式按摩，都俾網友笑佢揼邪骨。
全站熱搜
留言列表
