《壯志衝天》係 Rain上年入伍前最後一套電影，今次做空軍機師嘅 Rain拍住新紮肉女申世京一齊衝上雲霄。由於阿 Rain喺亞洲勁有市場，所以超過 10個東南亞國家爭住買播映權。
韓面
大隻 Rain 壯男 Style
K-pop始祖 Rain（鄭智薰）入伍當兵差唔多成年，雖然仲有起碼成年先服完兵役，不過下月尾，由 Rain擔正主演嘅新戲《壯志衝天》將殺入香港，到時港迷可以先買飛捧場止住渴！
《壯》片中， Rain雖然唔會跳甩手 break dance騷 quality，但會以型仔飛機師 look揸飛機 chok爆鏡頭，而且大隻 Rain仲會剝衫「騷肌」， oppa（大哥），呢個「壯男 style」，港女見到肯定暈晒浪啦！
戲中 Rain跟空軍少校柳相俊唔只鬥操作飛機技術，仲剝埋衫鬥大隻，不過橫睇掂睇都係 Rain大隻好多。
《壯志衝天》是 Rain去年入伍前所拍的最後一部戲，此片早於 8月中在韓國上畫，由於撞正同時攻暑假檔期，由舊愛全智賢擔正的《盜賊門》，一直上唔到票房冠軍，但至今入場人次亦突破 150萬，成績都算唔差。
辛苦過軍訓
被譽為韓版《壯志凌雲》（《 Top Gun》）的《壯志衝天》），講 Rain飾演空軍特種部隊機師，因一次示範表演中擅自做出危險動作後被燉冬菇。降職到 21戰鬥飛行隊後，於一次飛行訓練中，突然被不明來歷戰鬥機侵襲，於是 Rain率領同僚一齊出擊保衞首爾。戲中， Rain扮演天才機師，拍攝前要接受地獄式訓練，日日由朝早 6點操體能操到下午，然後再學揸飛機，去到夜晚又要排戲，難怪 Rain都勁呻：「拍呢套戲唔只肉體受折磨，精神上亦感到痛苦，我覺得比軍訓辛苦好多。」
貪玩惹禍
Rain原本係天才特種部隊空軍機師，但因貪玩，喺飛行表演中擅自做出危險飛行動作而引起公眾混亂，最後被降職處分。
敵機偷襲
首爾突然被不明戰機空襲，身為空軍機師嘅 Rain即帶住班兄弟，操作戰機追到底，但敵方卻飛入大廈而爆炸，搞到好似 911咁大災難。
咀戲被剪
壓住錫嘴
主 sell動作火爆場面，而加插 Rain同飾演軍機維修工程人員申世京嘅感情線，原本已拍咗場 Rain壓住申世京激咀場面，但最後被導演 cut晒，嘥料。
《壯》片主 sell特技及火爆場面，但亦為 Rain加插一條同新紮肉女申世京嘅感情線，而且上演親熱戲，原本一早已拍好 2人的咀嘴戲，點知搞後期製作時，導演覺得場咀戲九唔搭八，於是全部剪晒，搞到申世京都唔忿氣：「其實同 Rain接吻時好有 feel，但導演要剪，我阻止唔到。」不過，難得可以同大隻 Rain錫嘴，恨死唔少港女。
《壯志衝天》
上映日期： 10月 4日
乳神賣 bra
除咗男主角 Rain勁大胸，女主角申世京亦唔輸蝕。今年 22歲嘅世京由於笑容夠甜，由 04年入行至今已拍過 6套韓劇及 6套韓片，勁搶手，而最煞食係 33D迫爆上圍唔怕露，唔只韓男當佢係女神，仲獲韓國內衣品牌 Vivien揀中 sell bra，做埋「乳神」。
今年頭，申世京（右）就同少時侑利一齊主演韓劇《時尚王》，拍完之後仲變埋 friend。
擁有 33D勁爆上圍嘅申世京， keep fit秘訣除咗玩呼拉圈修腰外，佢話最重要係揀啱胸圍，如果 size太大或太細都影響胸形，好 hard sell啫！
留言列表
