關仁隱事：「大支嘢」扮大佬丟架
「大支嘢」恃住自己入行幾十年，人人都畀面叫佢做大佬，佢就當正自己一日大佬一世大佬咁，無時無刻都要人聽佢支笛，好似早排有個衣香鬢影嘅派對，主人家請咗位來自外地嘅資深歌手做表演嘉賓，等班賓客可以坐喺台下，一邊食嘢一邊睇騷，不過，當台上熄晒燈預備資深歌手出場前，大支嘢竟然走上台攞住支咪講：「大家坐低唔好周圍走，專心欣賞節目。」可惜台下嘅貴客見台上黑麻麻，都睇唔清佢係邊個，冇人騷佢，大支嘢即刻發老脾走返後台，叫工作人員開燈射住佢，再出嚟講多次：「希望大家朋友坐低，唔希望外國朋友表演時有人行嚟行去。」仲用日文、普通話、英文、廣東話各講一次，死都要人乖乖坐番埋位。
撰文：關仁
全站熱搜
留言列表
