細仔 4歲

滾熱辣

富商照顧八年 冇名份冇樓  39歲孫佳君復出銀

2012年09月28日 ~~ 第896期 忽然1周

孫佳君 03年拍畢電影《福伯》後淡出娛樂圈, 05年秘密為富商男友劉貴喬生仔,全職做闊太。 09年她在家被男友怒打,頭家散 咗,孫佳君亦醒晒!近日她決定重出江湖,加盟英皇電影,希望能再拍代表作。
與富商暗交 8年的孫佳君,仔都為對方生 咗兩個,不過無名無份,在港亦冇樓揸手,毅然復出拍戲,明顯是出山銀,重過新生活。

靚太出巡


大仔 8歲

9月 15日下午 4時許,孫佳君坐七人車離開山頂嘉樂園寓所,駛至佐敦,她拖實細仔下車,大仔則跑住從後追上。孫佳君湊仔都扮到靚一靚,仲騷長腿 㖭! 

工人跟身




下車後孫佳君直入龍堡賓館用贈券換月餅,尾隨的工人除負責照顧小孩外,還一人 孭兩個手袋再拎埋月餅,孫佳君則兩手 fing fing。 

惡母軍訓




換完月餅即上車返歸,孫佳君命令兩位公子先上車,自己殿後。囝囝行到好似操兵,睇 嚟都幾驚呢個惡阿媽。 

新加坡小姐出身的孫佳君,於 03年與曾志偉及黃秋生等拍完電影《福伯》後便絕跡影壇,亦鮮有公開露面。 05年她突然高調晒幸福,親口向記者表示要在家相夫教子,當時的幸福少奶奶堅稱以後不會復出拍戲。

加盟英皇


我要搵錢!﹙設計對白﹚

9月 5日,英皇電影成立藝人管理部,孫佳君宣布加盟復出拍戲,強調想擁有自己的事業,對於是否搵奶粉錢,她說:「搵到就好了!」講到明為生計而出山。 

突然高調復出


孫佳君本欲專心相夫教子,豈料遭男友毒打收場。雖然二人已無關係,但富商劉貴喬仍照顧兩個親生兒。

本月初,孫佳君突然現身「英皇電影之夜」,育有兩名分別四歲及八歲囝囝的她,笑言兒子已經長大,故現時能抽空拍戲,正式加盟英皇,與之前的「息影宣言」大相逕庭,令人不禁懷疑其復出原因。
09年,孫佳君被劉姓富商男友毆打而告到上法庭,其後兩人分手收場,兩名兒子雖跟父親姓,但一直跟母親生活。孫佳君亦在活動上大方表示:「 I am a single mother!」簡單交代了與該名富商已劃清界線,同時歡迎各界男士追求,恨拍拖恨到出面。
據知孫佳君已搬離當年被施襲的壽山村朗松居獨立屋,現時與兩名兒子租住山頂嘉樂園二千呎單位。雖然富貴依然,但明顯比當年的風光爭咁截。本刊連日來追訪,發現孫佳君兩個囝囝均同讀位於南區的新加坡國際學校。他們樣貌似乎與父親比較似樣,每天放學均由工人負責接送。孫佳君的細仔髮型前衞,在街上不時跳跳紮,需要工人緊緊拖住;而大兒子則比較定性,不過年紀小小已有近視需要戴眼鏡。雖然母親孫佳君未有接仔放學,但她於周末仍會抽空與兒子共聚天倫,盡顯慈母一面。 

闊太生活未變


孫佳君與富商男友劉貴喬分開後,繼續與兩名兒子生活,其闊太生活亦未受影響。粗略估計孫佳君一家三口每月開支高達 37萬。

月租山頂嘉樂園 2千呎單位  20萬
全職司機一名  2萬
七人車油費及雜費  2萬
兩名兒子的學費  4萬
兒子補習費  2萬
興趣班  2萬
外傭兩名  8千
全家每月膳食費  3萬 其他日常雜費  2萬

每月生活支出約
37萬 8千元


孫佳君與兒子現居山頂嘉樂園,與鍾楚紅為鄰。


兩名囝囝就讀於新加坡國際學校,大仔讀小學,細仔仍讀幼稚園。囝囝放學後由工人帶去深灣遊艇會參加興趣班及 Playgroup。





揼本裝身


孫佳君積極為復出置裝,上周五( 21日)去中環 ifc連卡佛瘋狂掃貨,掃 咗幾對幾千蚊 嘅高跟鞋都未夠喉,再到服裝部繼續血拼。見佢左指指右點點,唔使一個鐘即掃三萬蚊戰利品。





只供兒子生活費


少 咗條大水喉射住,孫佳君依然衣食無憂,出入更有司機駕七人專車接送。知情人士透露:「孫佳君自從搞掂俾男友打單案之後,就同兩個仔搬去新加坡一段時間,上年先搬返香港。劉姓富商每個月都會俾筆生活費兩個仔,但扣埋 啲學費同基本使費,真係所剩無幾。至於孫佳君,因為兩人冇結婚,從來都冇 嘢揸手 㗎,雖然屋租同車嘅支出個男人都會負責,但都只係為照顧兩個仔。」本刊亦翻查土地註冊處資料,發現孫佳君在港沒有任何物業。據知她只在新加坡持有一個市值千八萬港元的獨立屋。
孫佳君頓失「靠山」,故選擇復出拍戲賺錢。「雖然兩個仔有人養,但孫佳君覺得都係自己有錢先至最有安全感。佢亦知道唔可以靠食老本生活,加上佢又咁鍾意出去 social,所以咪簽番英皇囉!」知情者說。
孫佳君對重返娛樂圈已準備就緒,與英皇已簽三年約的她,最近亦有份客串由吳彥祖監製的《控城計》。本刊致電英皇藝人部經理陳先生,他大方表示:「我 哋依家都幫孫佳君揀緊劇本,佢真係好鍾意拍戲。」但對於復出是否因為男友閂水喉及現時的感情生活,孫佳君則透過經理人表示:「私人事唔會答。」
孫佳君已屆 39歲,但樣貌與身材都 keep得住,要出山銀唔難 吖!

慶功直落


9月 14日,孫佳君盛裝出席英皇在會展舉行的七十周年晚宴,之後再轉場到附近的萬麗海景酒店繼續慶功,玩到凌晨三點幾先捨得走。睇佢走時腳步浮浮,應該飲 咗唔少喎!







傳奇女子


生於新加坡,曾在加拿大修讀英國文學的孫佳君,可算是圈中傳奇女子。 94年獲新加坡小姐冠軍,即被周星馳欽點來港擔任首部電影《百變星君》的女主角。之後她拍過電影《正牌香蕉俱樂部》、《人間色相》、《人肉叉燒包 II之天誅地滅》、《愛在娛樂圈的日子》,以及曾在日本電影《殺手阿一》中大膽演出等。
感情方面, 95年孫與擁 20億身家的「神童輝」羅兆輝拍拖。 00年羅兆輝因投資失利燒炭自殺,獲救後變得瘋瘋癲癲,向傳媒大爆與女星的「性史」及情慾合照,當中與孫佳君的法式濕吻最為轟動,孫不久淡出娛樂圈。
09年,孫佳君在壽山村道豪宅內被富商男友劉貴喬毒打,兩人對簿公堂(下圖為當年剪報),兩名兒子更要做證人,不過最後兩人和解,富商要守行為 1年。


剛出道的孫佳君拍《百變星君》即與星爺傳緋聞,不過只屬曇花一現,後來星爺介紹羅兆輝俾孫佳君認識,促成一段真正姻緣。




羅兆輝生前曾燒炭自殺,當年孫佳君與楊受成趕往醫院,孫被指「有情有義」。之後羅兆輝公開與孫佳君的濕吻相,全城哄動。





撰文:娛樂組
攝影:攝影組

arrow
arrow
    全站熱搜

    tvb4life 發表在 痞客邦 留言(0) 人氣()