黐到實
對住六呎大隻男徐偉棟， Lavina呢日吊帶熱褲出擊，佢 哋 喺外形上都幾合襯呀！
娛聞樂
釣金龜撻 Q 模 Lavina轉食徐少強之子
第一代模鍾蕙芝（ Lavina）於 09年憑 34E豐滿上圍騎劫書展，每次亮相其豪乳例必成為焦點，但去年有傳她獲富二代「照顧」，更因合約問題與經理人反面，繼而絕跡娛圈。
沉寂多時的 Lavina，月前突然「改頭換面」出山，客串電影、出席商場騷、夜店打碟密密做，擺到明釣金龜行動徹底失敗，要靠自己搏命搵銀。以往只吼富二代的 Lavina，最近搭上徐少強之子徐偉棟，兩人上周三（ 19日）更把臂同遊海洋公園探鬼屋，戀情曝光。
鍾蕙芝（ Lavina）自復出後被指樣貌大不同，她依然力撐自己純天然，又否認早前因被富商照顧而失蹤。自稱仍是單身的她，日前與武打影星徐少強長子徐偉棟(Edward)把臂同遊海洋公園，看來 Lavina的揀仔口味已由「富二代」轉變成「星二代」。
本月 19日（上周三）下午，本刊記者發現 Lavina與徐偉棟相約同遊鬼屋。她吊帶熱褲上陣大騷 34E「峰利」武器，與徐偉棟全程有講有笑，不時卿卿我我，引來途人注視目光。與他們同行的兩名友人亦狀甚親暱，四人猶如 double dating般。他們由天光玩到天黑才盡興而歸。
拍拖去撞鬼
上周三（ 19日）下午， Lavina與徐偉棟去海洋公園玩「哈囉喂」鬼屋，日光日白都唔慌恐怖得去邊，但就得到男友呵番。
餵食
玩 咗幾間鬼屋，終於坐低醫肚， Lavina與徐偉棟一杯汽水兩份飲，女 嘅主動餵食，連同行的友人都忍唔住望到實。
揀情侶 Tee
Lavina與徐偉棟之後轉戰商店，齊齊揀情侶熊貓 Tee。
呵護備至
玩到夜晚八時幾， Lavina不慎拗柴，徐偉棟即細心扶佢行埋一邊坐低休息。
09年大顴骨
Lavina 09年出道，憑豐滿上圍及豪放言論成為焦點。昔日的她顴骨明顯，鼻翼較闊，下巴都冇依家咁尖。
女追男得米
原來 Lavina與徐偉棟相識只有個多月，知情者透露，「 Lavina近月出番 嚟蒲，個幾月前經朋友介紹識 咗 Edward（徐偉棟），唔好以為佢係徐少強個仔就一定好風流，佢都幾乖仔 㗎！同 Lavina交換 咗電話，都係女方主動 send whatsapp，男 嘅好被動。每次朋友聚會佢 哋都坐埋一齊，大家都覺得佢 哋拍緊拖。」
記者致電 Lavina，對於戀上徐少強之子，她甜笑說：「我 哋依家係好好 嘅朋友，佢好 gentleman，有教養，大家好 啱玩！（知唔知佢係徐少強個仔？）我真係唔知喎！其實唔係識 咗好耐，仲要觀察吓先。」她更謂遊鬼屋當日有友人同行，不算拍拖，還開玩笑說：「人 哋車震完都可以話唔係拍拖啦，我 哋一齊出去玩 啫，好平常！」
去年從溫哥華返港發展的徐偉棟，是曾志偉投資的「影市堂」旗下藝人，最近他積極參與電影演出，成為影壇新貴。問到與 Lavina的戀情時，徐偉棟大讚對方是個好女仔：「雖然佢係做模出身，但佢份人好真，係個好爽快 嘅女仔。我都鍾意同呢類型女仔來往，不過相識時間仲係好短，將來發展冇人會知。」兩人口徑一致，真係好 啱 key！
情傾富二代
Lavina 09年被踢爆與身高六呎的衣架廠太子爺劉德俊共晉晚餐，事過兩年， Lavina揀仔口味雖然已經改變，但依然鍾情高大猛男。《 FACE》圖片
家有傷殘母
唔好睇 Lavina成個蒲樣，其實佢係孝順女一名，咁努力賺錢都係要供養不良於行的母親，抵讚！《 FACE》圖片
暗撻陳嘉桓
徐偉棟年初在雲南拍電影，與陳嘉桓因玩得太埋而傳出緋聞，不過雙方都矢口否認。
埋志偉堆
曾志偉與徐少強份屬好友，志偉去年帶團往日本拍攝旅遊節目時亦預埋徐偉棟份。呢個志偉 uncle認真關照住。《蘋果日報》圖片
子承父母業
徐偉棟(Edward)是藝人徐少強及雪梨的長子，現年 29歲。小六時因父母分開而移居加拿大，與妹妹跟隨外婆生活，他在當地讀到中學畢業便投身社會，做過侍應、賣生果及調酒師等。
01年他終於立定志向踏上音樂之路，積極參加各種歌唱比賽。 09年打入溫哥華區新秀比賽決賽，後於當地擔任電視台主持，及後獲父親好友曾志偉賞識，去年加盟志偉投資的「影市堂」，參與電影包括《紮職》及《愛情達人》等，兩部電影均未上畫。父親徐少強生性風流，有過多段婚姻及婚外情，早年更在北京與一年輕女子結婚及誕下一女兒。而母親雪梨近年有參演無 綫劇集《尋秦記》及《師奶唔易做》等，但感情仍未有 着落。
父母識於微時
雪梨 18歲出道與徐少強合作拍電影《養鬼》火速撻 着，到雪梨有 咗徐偉棟先知對方早已有家室，但她仍執意把孩子生下來，愛得剛烈。
自幼出入片場
獨自撫養子女的雪梨不時帶年幼的徐偉棟到片場探班，只得幾歲人仔的徐偉棟已經同老竇十足餅印。
與父團聚
徐偉棟與妹妹徐穎捬天生注定食娛樂圈飯，妹妹去年參選溫哥華華裔小姐奪冠。雖然兩兄妹在破碎家庭長大，但無損與父親關係，不時會與徐少強見面。
老父再婚
近年專注在內地發展的徐少強，早年與內地女子再婚， 05年更帶埋一歲 B女外出，父愛盡現。
留言列表
